بۇگىن باتىس قازاقستان وبلىسى شىڭعىرلاۋ اۋدانىندا مەملەكەت باسشىسى جاريالاعان «جۇمىسشى ماماندىقتار جىلى» اياسىندا اۋداندىق كاسىپكەرلەر فورۋمى ءوتتى. فورۋمعا «AMANAT» پارتياسى باتىس قازاقستان وبلىستىق فيليالىنىڭ اتقارۋشى حاتشىسى ا.سافيماليەۆ، شىڭعىرلاۋ اۋدانى اكىمى م.ومىراليەۆ، اۋداندىق فيليال اتقارۋشى حاتشىسى ا.تاگانيازوۆ، كاسىپكەرلەر مەن جاستار قاتىستى.
ءىس-شارا بارىسىندا قاتىسۋشىلار مەن شاقىرۋلى قوناقتار جۇمىسشى مامانداردى وقىتۋشى شىڭعىرلاۋ كوللەدجىنىڭ جۇمىسىمەن تانىستى. شىڭعىرلاۋ كوللەدجى قۇرىلىسشى، سىلاقشى، فەرمەر، ەلەكتريك، دانەكەرلەۋشى، اسپازشى، ەلەكتروندى باعدارلاماشى جانە ت.ب مامانداردى دايارلايدى. قازىرگى تاڭدا وقۋ ورنىندا جۇمىسشى ماماندىقتاردى يگەرۋشى 130 ستۋدەنت ءبىلىم الۋدا.
فورۋم جۇمىسىنا باتىس قازاقستان وبلىسى كاسىپكەرلەر پالاتاسىنىڭ وڭىرلىك كەڭەسىنىڭ مۇشەسى ز.كۋباەۆا، ورال قالالىق ءماسليحاتىنىڭ دەپۋتاتى، كاسىپكەر ن.اشيكوۆا قاتىسىپ، كاسىپكەرلەرگە كاسىپ باستاۋ ءۇشىن قاجەتتى پروتسەسستەر، شاعىن جانە ورتا بيزنەسكە مەملەكەت تاراپىنان بەرىلەتىن نەسيە تۇرلەرى، گرانت تۇرلەرى تۋرالى اقپارات بەرىپ، ءوز تاجىريبەلەرىمەن ءبولىستى.
اۋداندىق كاسىپكەرلەر فورۋمىنا ارنايى قاتىسقان وبلىستىق فيليال اتقارۋشى حاتشىسى ازامات سافيماليۇلى سافيماليەۆ قاتىسۋشى كاسىپكەرلەر جۇمىسىنا ساتتىلىك تىلەپ، وڭىردە كاسىپ باستايمىن دەگەن تۇرعىندارعا، ونىڭ ىشىندە جاستارعا كورسەتىلەتىن الەۋمەتتىك قولداۋ تۋرالى ايتىپ ءوتتى. سونىمەن قاتار بىرقاتار كاسىپكەرلەرگە ەلدىڭ كوركەيۋى مەن دامۋىنا قوسقان ۇلەستەرى ءۇشىن العىس حاتتار تابىستادى.
- بيىلعى جىل باسىنان بەرى جۇمىسشى ماماندىقتار جىلىنا وراي ءارتۇرلى باعىتتاعى ءىس-شارالاردى ۇيىمداستىرىپ كەلەمىز، ونىڭ ىشىندە اۋقىمدى ايەلدەر فورۋمىن وتكىزدىك. ال بۇگىن شىڭعىرلاۋ اۋدانىندا وسى باعىتتا كاسىپكەرلەر فورۋمىنا قاتىسىپ وتىرمىز. كاسىپكەرلەردىڭ جۇمىستارىن كورىپ، كورمە جۇمىسىمەن تانىستىق. سونىمەن قاتار ءار باعىتتا قىزمەت اتقاراتىن كاسىپكەرلەردىڭ بايانداماسىن تىڭدادىق. وسىنداي جەتىستىكتەرىڭىزدى ەستىپ، قۋانىپ وتىرمىز. ءبىز وسى فورۋم جۇمىسىندا ەڭ باستىسى پارتيانىڭ سىزدەرگە، كاسىپكەرلەرگە ارقاشان اشىق ەكەنىن جەتكىزگىمىز كەلەدى. ەكونوميكانىڭ قوزعاۋشى كۇشى رەتىندە سىزدەردىڭ ىستەرىڭىزدىڭ قوعامعا پايداسى زور، - دەدى وبلىستىق فيليال اتقارۋشى حاتشىسى ازامات سافيماليەۆ.
فورۋم جۇمىسىندا بايانداما جاساعان كاسىپكەرلەر اراسىندا جەكە كاسىپكەر، پارتيا بەلسەندىسى، «قارەكەت» جك يەسى سىرىم جالدىگۋلوۆ ءسوز الىپ، كاسىپتى نەدەن باستاعانى تۋرالى، قانداي قيىندىقتارمەن كەزدەسكەنى تۋرالى ايتىپ ءوتتى.
- ستۋدەنت كەزىمدە كومپيۋتەرلىك قىزمەتتەر كورسەتۋدەن باستاپ ءارتۇرلى جۇمىستاردى قاتار الىپ ءجۇردىم. كەيىننەن مەملەكەتتىك باعدارلامالارعا قاتىسىپ، گرانت ۇتىپ الىپ، ونى پايدامىزعا جاراتتىق. اۋىل تۇرعىندارىنا قاجەتتى ازىق-تۇلىك دۇكەنىن اشتىق. اركەز ساپالى، بالعىن زاتتاردى الىپ كەلۋگە تىرىسامىز. اۋىلدىق جەردە تۇرعاندىقتان، مال شارۋاشىلىعىمەن دە اينالىسامىز. شارۋاشىلىق جۇمىستارىنا ارنالعان قولعاپتار دا جاسايمىز. بۇل كاسىپ تۇرلەرىن قاتار الىپ جۇرۋگە، ارينە وتباسىمنىڭ جانە مەملەكەتتىڭ دە ۇلكەن كومەگى دەپ بىلەمىن. كاسىپ باستاعىسى كەلەتىن جاستارعا، سەنىمدىلىك پەن كۇش-قۋات، سارقىلماس جىگەر تىلەيمىن! – دەدى جاس كاسىپكەر سىرىم جالدىگۋلوۆ.
«AMANAT» پارتياسى باتىس قازاقستان وبلىستىق فيليالىنىڭ ءباسپاسوز حاتشىسى زارينا كايروۆا
