Bügın Batys Qazaqstan oblysy Şyŋǧyrlau audanynda Memleket basşysy jariialaǧan «Jūmysşy mamandyqtar jyly» aiasynda audandyq käsıpkerler forumy öttı. Forumǧa «AMANAT» partiiasy Batys Qazaqstan oblystyq filialynyŋ atqaruşy hatşysy A.Safimaliev, Şyŋǧyrlau audany äkımı M.Ömıräliev, audandyq filial atqaruşy hatşysy A.Taganiiazov, käsıpkerler men jastar qatysty.
Is-şara barysynda qatysuşylar men şaqyruly qonaqtar jūmysşy mamandardy oqytuşy Şyŋǧyrlau kolledjınıŋ jūmysymen tanysty. Şyŋǧyrlau kolledjı qūrylysşy, sylaqşy, fermer, elektrik, dänekerleuşı, aspazşy, elektrondy baǧdarlamaşy jäne t.b mamandardy daiarlaidy. Qazırgı taŋda oqu ornynda jūmysşy mamandyqtardy igeruşı 130 student bılım aluda.
Forum jūmysyna Batys Qazaqstan oblysy käsıpkerler palatasynyŋ öŋırlık keŋesınıŋ müşesı Z.Kubaeva, Oral qalalyq mäslihatynyŋ deputaty, käsıpker N.Aşikova qatysyp, käsıpkerlerge käsıp bastau üşın qajettı prosesster, şaǧyn jäne orta bizneske memleket tarapynan berıletın nesie türlerı, grant türlerı turaly aqparat berıp, öz täjıribelerımen bölıstı.
Audandyq käsıpkerler forumyna arnaiy qatysqan oblystyq filial atqaruşy hatşysy Azamat Safimaliūly Safimaliev qatysuşy käsıpkerler jūmysyna sättılık tılep, öŋırde käsıp bastaimyn degen tūrǧyndarǧa, onyŋ ışınde jastarǧa körsetıletın äleumettık qoldau turaly aityp öttı. Sonymen qatar bırqatar käsıpkerlerge eldıŋ körkeiuı men damuyna qosqan ülesterı üşın Alǧys hattar tabystady.
- Biylǧy jyl basynan berı jūmysşy mamandyqtar jylyna orai ärtürlı baǧyttaǧy ıs-şaralardy ūiymdastyryp kelemız, onyŋ ışınde auqymdy äielder forumyn ötkızdık. Al bügın Şyŋǧyrlau audanynda osy baǧytta käsıpkerler forumyna qatysyp otyrmyz. Käsıpkerlerdıŋ jūmystaryn körıp, körme jūmysymen tanystyq. Sonymen qatar är baǧytta qyzmet atqaratyn käsıpkerlerdıŋ baiandamasyn tyŋdadyq. Osyndai jetıstıkterıŋızdı estıp, quanyp otyrmyz. Bız osy forum jūmysynda eŋ bastysy partiianyŋ Sızderge, käsıpkerlerge ärqaşan aşyq ekenın jetkızgımız keledı. Ekonomikanyŋ qozǧauşy küşı retınde Sızderdıŋ ısterıŋızdıŋ qoǧamǧa paidasy zor, - dedı oblystyq filial atqaruşy hatşysy Azamat Safimaliev.
Forum jūmysynda baiandama jasaǧan käsıpkerler arasynda jeke käsıpker, partiia belsendısı, «Qareket» JK iesı Syrym Jaldygulov söz alyp, käsıptı neden bastaǧany turaly, qandai qiyndyqtarmen kezdeskenı turaly aityp öttı.
- Student kezımde kompiuterlık qyzmetter körsetuden bastap ärtürlı jūmystardy qatar alyp jürdım. Keiınnen memlekettık baǧdarlamalarǧa qatysyp, grant ūtyp alyp, ony paidamyzǧa jarattyq. Auyl tūrǧyndaryna qajettı azyq-tülık dükenın aştyq. Ärkez sapaly, balǧyn zattardy alyp keluge tyrysamyz. Auyldyq jerde tūrǧandyqtan, mal şaruaşylyǧymen de ainalysamyz. Şaruaşylyq jūmystaryna arnalǧan qolǧaptar da jasaimyz. Būl käsıp türlerın qatar alyp jüruge, ärine otbasymnyŋ jäne memlekettıŋ de ülken kömegı dep bılemın. Käsıp bastaǧysy keletın jastarǧa, senımdılık pen küş-quat, sarqylmas jıger tıleimın! – dedı jas käsıpker Syrym Jaldygulov.
«AMANAT» partiiasy Batys Qazaqstan oblystyq filialynyŋ baspasöz hatşysy Zarina Kairova
