28 مامىر كۇنى تۇستەن كەيىن تاجىكستان رەسپۋبليكاسىنىڭ ءماجىلىس توراعاسى ءارى دۋشانبە قالاسىنىڭ مەرى رۋستام ەمومالي رەسەيگە رەسمي ساپارى اياسىندا ماسكەۋدە رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەستى، دەپ حابارلايدى "ادىرنا" ۇلتتىق پورتالى.
رۋستام ەموماليدىڭ ءباسپاسوز قىزمەتى Telegram-ارناسىندا حابارلاعانداي، كرەملدەگى كەزدەسۋدە تاجىكستان مەن رەسەي اراسىنداعى ستراتەگيالىق ارىپتەستىك پەن وداقتاستىق قارىم-قاتىناستىڭ كەڭ اۋقىمدى ماسەلەلەرى تالقىلاندى.
پارلامەنت جوعارعى پالاتاسىنىڭ سپيكەرى سونداي-اق رەسەي پرەزيدەنتىنە تاجىكستان پرەزيدەنتى ەمومالي راحموننىڭ جولداۋىن تابىستادى.
رەسەي تاراپىنان كەزدەسۋگە فەدەراتسيا كەڭەسىنىڭ ءتورايىمى ۆالەنتينا ماتۆيەنكو دا قاتىستى.
رۋستام ەمومالي ماسكەۋگە رەسمي ساپارمەن كەلدى. ونىڭ جانىندا پارلامەنت كوميتەتتەرىنىڭ توراعالارى، جوعارعى پالاتا اپپاراتىنىڭ باسشىسى جانە باسقا دا رەسمي تۇلعالار بار.
