كوكشەتاۋدا جاڭا دەمالىس ورنى – كوپا كولى جاعالاۋى «جاعالاۋ» پايدالانۋعا بەرىلدى. قۇرىلىسى نەبارى 8 ايدا اياقتالعان نىسان ءۇش نەگىزگى بولىككە بولىنگەن: سۋ بويىمەن سوزىلعان ورتالىق سەرۋەن ايماعىندا ۆەلوسيپەد جولى، كولەڭكەلى ورىندار، ورىندىقتار مەن دەمالىس الاڭدارى قاراستىرىلعان; شىعىس بولىگىندە بىرەگەي بەتوننان جاسالعان پامپ-ترەك، بالالار جانە سپورت الاڭدارى ورنالاسسا، باتىس جاعىندا امفيتەاتر، ساحنا مەن ءدامحانا ايماعى بار. جاعالاۋدىڭ جالپى ۇزىندىعى – 6,3 شاقىرىم. جوبا بيزنەستىڭ الەۋمەتتىك جاۋاپكەرشىلىگى اياسىندا «قازتسينك» اق-نىڭ قارجىسىنا جۇزەگە اسىرىلدى.
وبلىس ورتالىعىندا اشىلعان بۇل اۋقىمدى جوبا بالالاردى قورعاۋ كۇنىنە ورايلاستىرىلدى. سالتاناتتى شاراعا اقمولا وبلىسىنىڭ اكىمى مارات احمەتجانوۆ، «قازتسينك» اق باس ديرەكتورى جانات جانبوتين، «BI-Holding» جشس ديرەكتورلار كەڭەسىنىڭ مۇشەسى باۋىرجان يساباەۆ، قوعام بەلسەندىلەرى، قالا تۇرعىندارى مەن قوناقتار قاتىستى.
ەرتە تاڭنان باستاپ جاعالاۋدا اۋىل شارۋاشىلىعى جارمەڭكەسى باستالدى. ساۋداعا تۇركىستان وبلىسى مەن تاجىكستان رەسپۋبليكاسىنان كەلگەن 40-تان استام اۋىل شارۋاشىلىعى ءوندىرۋشىسى 330 توننادان استام ءونىم ۇسىندى.
سول مەزەتتە جاڭا 12 شاقىرىمدىق ۆەلوسيپەد جولىمەن ورتالىق شاعىن اۋداننان ۆەلوشەرۋ باستالدى. قاتىسۋشىلار جاڭا جولمەن جاعالاۋعا دەيىن بارىپ، ونى العاشقىلاردىڭ ءبىرى بولىپ سىناپ كوردى. ۆەلوشەرۋگە اقمولا وبلىسىنىڭ اكىمى دە قاتىستى.
مەرەكەنىڭ شارىقتاۋ شەگى – كوستيۋمدى شەرۋ مەن «گورمولزاۆود» برەندى ۇسىنعان ءبىر جارىم توننا بالمۇزداقتىڭ تاراتىلۋى بولدى. بۇل وقيعا قازاقستان رەكوردتار كىتابىنا ەنگەن ۇلتتىق رەكورد رەتىندە تىركەلدى.
ءىس-شارا ۇيىمداستىرۋشىلارى ءاربىر كەلۋشىنى نازاردان تىس قالدىرعان جوق. ستۋدەنتتەر ءۇشىن ماماندىقتار پارادى، بالالار مەن اتا-انالار ءۇشىن باتپىراۋىق ۇشىرۋ، سونداي-اق ءتۇرلى شەبەرلىك ساعاتتارى، سپورتتىق جانە باسقا دا بەلسەندى ءىس-شارالار وتكىزىلدى.
ءوڭىر باسشىسى جينالعان جۇرتتى جاڭا كوپفۋنكتسيونالدى جاعالاۋدىڭ اشىلۋىمەن قۇتتىقتادى. سونىمەن قاتار، بالمۇزداق تاراتۋ بويىنشا ۇلتتىق رەكوردتى رەسمي تۇردە راستاعان قازاقستان رەكوردتار كىتابىنىڭ سەرتيفيكاتى تابىستالدى.
وبلىس ورتالىعىندا اشىلعان بۇل اۋقىمدى جوبا بالالاردى قورعاۋ كۇنىنە ورايلاستىرىلدى. سالتاناتتى شاراعا اقمولا وبلىسىنىڭ اكىمى مارات احمەتجانوۆ، «قازتسينك» اق باس ديرەكتورى جانات جانبوتين، «BI-Holding» جشس ديرەكتورلار كەڭەسىنىڭ مۇشەسى باۋىرجان يساباەۆ، قوعام بەلسەندىلەرى، قالا تۇرعىندارى مەن قوناقتار قاتىستى.
ەرتە تاڭنان باستاپ جاعالاۋدا اۋىل شارۋاشىلىعى جارمەڭكەسى باستالدى. ساۋداعا تۇركىستان وبلىسى مەن تاجىكستان رەسپۋبليكاسىنان كەلگەن 40-تان استام اۋىل شارۋاشىلىعى ءوندىرۋشىسى 330 توننادان استام ءونىم ۇسىندى.
سول مەزەتتە جاڭا 12 شاقىرىمدىق ۆەلوسيپەد جولىمەن ورتالىق شاعىن اۋداننان ۆەلوشەرۋ باستالدى. قاتىسۋشىلار جاڭا جولمەن جاعالاۋعا دەيىن بارىپ، ونى العاشقىلاردىڭ ءبىرى بولىپ سىناپ كوردى. ۆەلوشەرۋگە اقمولا وبلىسىنىڭ اكىمى دە قاتىستى.
مەرەكەنىڭ شارىقتاۋ شەگى – كوستيۋمدى شەرۋ مەن «گورمولزاۆود» برەندى ۇسىنعان ءبىر جارىم توننا بالمۇزداقتىڭ تاراتىلۋى بولدى. بۇل وقيعا قازاقستان رەكوردتار كىتابىنا ەنگەن ۇلتتىق رەكورد رەتىندە تىركەلدى.
ءىس-شارا ۇيىمداستىرۋشىلارى ءاربىر كەلۋشىنى نازاردان تىس قالدىرعان جوق. ستۋدەنتتەر ءۇشىن ماماندىقتار پارادى، بالالار مەن اتا-انالار ءۇشىن باتپىراۋىق ۇشىرۋ، سونداي-اق ءتۇرلى شەبەرلىك ساعاتتارى، سپورتتىق جانە باسقا دا بەلسەندى ءىس-شارالار وتكىزىلدى.
ءوڭىر باسشىسى جينالعان جۇرتتى جاڭا كوپفۋنكتسيونالدى جاعالاۋدىڭ اشىلۋىمەن قۇتتىقتادى. سونىمەن قاتار، بالمۇزداق تاراتۋ بويىنشا ۇلتتىق رەكوردتى رەسمي تۇردە راستاعان قازاقستان رەكوردتار كىتابىنىڭ سەرتيفيكاتى تابىستالدى.
«ەل پرەزيدەنتى اتاپ وتكەندەي، ءوسىپ كەلە جاتقان جاس ۇرپاقتىڭ جان-جاقتى دامۋىنا قولايلى جاعداي جاساۋ – مەملەكەتتىڭ باستى مىندەتتەرىنىڭ ءبىرى. وبلىستا بالالاردىڭ قابىلەتىن اشۋعا باعىتتالعان كوپتەگەن يگى باستامالار مەن ءىس-شارالار جۇزەگە اسىرىلىپ جاتىر. بۇگىنگى اشىلىپ وتىرعان جاڭا جاعالاۋ – سپورتتىق جانە بالالار الاڭدارىمەن، امفيتەاترمەن، ۆەلوسيپەد جولىمەن، پامپ-ترەكپەن، قوعامدىق تاماقتانۋ ورىندارىمەن جابدىقتالعان زاماناۋي دەمالىس ورنى – سونىڭ ايقىن دالەلى»، – دەدى ءوز سوزىندە مارات احمەتجانوۆ.ايماق باسشىسى جوبانى جۇزەگە اسىرۋعا اتسالىسقان ازاماتتارعا العىسىن ءبىلدىرىپ، رەسپۋبليكالىق جانە حالىقارالىق دەڭگەيدەگى بايقاۋلاردا جوعارى ناتيجە كورسەتكەن جاس سپورتشىلاردى، وقۋشىلار مەن ونەرلى بالالاردى ماراپاتتادى. سونىمەن بىرگە ءوڭىردىڭ الەۋمەتتىك-ەكونوميكالىق دامۋىنا ۇلەس قوسقان مەكەمە قىزمەتكەرلەرى دە نازاردان تىس قالمادى. شارا سوڭىندا قازاقستاندىق ەسترادا جۇلدىزدارىنىڭ قاتىسۋىمەن كونتسەرت قويىلىپ، كوپا كولىندە ساليۋت اتىلدى.
