1 ماۋسىم كۇنى الماتى-2 ۆوكزالىنا قىتايدان العاشقى حالىقارالىق تۋريستىك پويىز كەلدى، دەپ حابارلايدى "ادىرنا" ۇلتتىق پورتالى.
«سيان— الماتى» باعىتى – ءبىر كەزدەرى ۇلى جىبەك جولىنىڭ ماڭىزدى ورتالىقتارى بولعان ەكى تاريحي قالانى بايلانىستىرادى.
توعىز ۆاگوننان تۇراتىن قۇرام 246 جولاۋشىنى جەتكىزدى. ولاردىڭ اراسىندا كاسىپكەرلەر، عالىمدار، مادەنيەت قايراتكەرلەرى جانە جاي عانا ساياحاتشىلار بار. ولار الداعى بەس كۇن ىشىندە الماتىنىڭ مادەنيەتىمەن جانە تاريحىمەن تانىسادى.
قوناقتاردى قارسى الۋ ءراسىمى سالتاناتتى جاعدايدا ءوتتى. دەلەگاتسياعا ۇلتتىق تاعام ۇسىنىلىپ، شاعىن باعدارلاما كورسەتىلدى.
«جولاۋشىلار تاسىمالى» اق حابارلاۋىنشا، پويىز مارشرۋتى ءۇرىمشى، قورعاس، التىنكول ارقىلى ءوتىپ، الماتىعا جەتەدى.
