پولشا پرەزيدەنتى سايلاۋىنىڭ ەكىنشى كەزەڭىندە وپپوزيتسياداعى كونسەرۆاتيۆتىك «قۇقىق پەن ادىلەت» (PiS) پارتياسىنىڭ كانديداتى كارول ناۆروتسكي جەڭىسكە جەتتى. بۇل تۋرالى ەلدىڭ سايلاۋ كوميسسياسى جازدى، دەپ حابارلايدى «ادىرنا» ءتىلشىسى.
ناۆروتسكي 50,89 پايىز (10 606 628 داۋىس), ال ونىڭ قارسىلاسى ۆارشاۆا مەرى رافال تشاسكوۆسكي 49,11 پايىز (10 237 177 داۋىس) جينادى.
ۇلتتىق سايلاۋ كوميسسياسىنىڭ مالىمەتىنشە، 1 ماۋسىمدا پولشا پرەزيدەنتىن سايلاۋعا داۋىس بەرۋدىڭ ەكىنشى كەزەڭىنە ەلدە تىركەلگەن سايلاۋشىلاردىڭ 71,6% قاتىسقان. بۇعان دەيىن ۆارشاۆا ۋاقىتىمەن ساعات 01:00–دەگى جاعداي بويىنشا ەكزيت-پولل ۆارشاۆا مەرى، ليبەرال رافال تشاسكوۆسكي ۇلتشىل كارول ناۆروتسكيدەن ءسال الدا ەكەنىن كورسەتكەن ەدى.
ايتا كەتەيىك، 42 جاستاعى كارول ناۆروتسكي — ساياساتقا جاڭادان كەلگەن تۇلعا. بۇعان دەيىن ول ەلدە جۇرگەن شامامەن ءبىر ميلليون ۋكراينالىق بوسقىندى «پولشانىڭ ەسەبىنەن پايدا كورىپ جاتىر» دەپ ايىپتاعان بولاتىن.
