تۇركيادا ەگەي تەڭىزىندە قۋاتتى جەر سىلكىنىسى بولدى. ماگنيتۋداسى – 5,8 بالل. بۇل تۋرالى TRT Haber باسىلىمى جازدى، دەپ حابارلايدى “ادىرنا”.
جەراستى ءدۇمپۋى تۇركيانىڭ مارماريس قالاسىنا جاقىن ورنالاسقان مۇعلا ايماعىندا قاتتى سەزىلدى.
تۇركيانىڭ تج باسقارماسىنىڭ (AFAD) مالىمەتىنشە، جەر سىلكىنىسىنىڭ ەپيتسەنترى – جەرورتا تەڭىزى. تەرەڭدىگى – 67,91 كم، ال ەڭ جاقىن قۇرلىق – مارماريسكە قاراستى مۇعلا اۋدانى (10,43 كم).
جەر سىلكىنىسى سالدارىنان 1 ادام قازا تاۋىپ, 69 ادام ءتۇرلى جاراقات الدى. جەرگىلىكتى تۇرعىندار قاۋىپسىزدىك ماقساتىندا اشىق الاڭدارعا – ساياباقتار مەن باقتارعا شىقتى.
مۇعلا گۋبەرناتورى يدريس اكبيىكتىڭ ايتۋىنشا، جەر سىلكىنىسى قالا ومىرىنە ايتارلىقتاي اسەر ەتكەن جوق. ەنەرگيامەن، گازبەن، اۋىز سۋمەن قامتاماسىز ەتۋ جۇيەلەرى مەن كارىز جۇيەسى قالىپتى جاعدايدا جۇمىس ىستەپ تۇر. تۇرعىن ءۇي سەكتورىندا دا بۇزىلۋلار تىركەلمەگەن.
قازىرگى ۋاقىتتا دالالىق جۇمىستار جالعاسىپ جاتىر. قۇتقارۋشىلار مەن تەحنيكالىق ماماندار تۇرعىن ۇيلەر مەن ينفراقۇرىلىمداردى تەكسەرىپ جاتىر.
