جەرلەۋگە ازىرلەپ جاتقاندا 88 جاستاعى ايەل ءتىرى بولىپ شىقتى

1149
Adyrna.kz Telegram
https://adyrna.kz/content/uploads/2023/10/photo-output-18-960x500.jpeg?token=f94beccc89a626e90fbc26717c3840f7

چەحيانىڭ پلزەن قالاسىندا 88 جاستاعى ايەل ادامدى ءولدى دەپ، جەرلەۋگە دايىنداپ جاتقان كەزدە ول ءتىرىلىپ كەتتى، دەپ حابارلايدى "ادىرنا" ۇلتتىق پورتالى چەحيالىق Blesk اگەنتتىگىنە سىلتەمە جاساپ. 

وقيعا قارت ايەلدىڭ سەرىگى ونى تاڭەرتەڭ ەس-ءتۇسسىز كۇيدە تاۋىپ، شۇعىل جەدەل جاردەم قىزمەتىن شاقىرعان ساتتەن باستالعان. سوت-مەديتسينا ايەلدىڭ كوز جۇمعانىن راستايدى.

الايدا، جەرلەۋ بيۋروسىنىڭ قىزمەتكەرلەرى ءمايىتتى جەرلەۋگە دايىنداپ جاتقاندا، ايەلدە تىرشىلىك بەلگىلەرى بايقالعان.

كۋاگەرلەردىڭ ايتۋىنشا، ايەل تابىت ىشىندە كوزىن اشقان. دەرەۋ جەدەل جاردەم شاقىرىلىپ، ايەل اۋرۋحاناعا جەتكىزىلگەن. قازىرگى ۋاقىتتا ول ەم قابىلداپ، قالپىنا كەلۋ ۇستىندە.

ايەلدى قاتە تۇردە ءولدى دەپ جاريالاعان جاعدايدىڭ ءمان-جايىن انىقتاۋ ءۇشىن پوليتسيا تەرگەۋ باستادى. الدىن الا مالىمەتتەر بويىنشا، سوت-مەديتسينالىق ساراپشى قاجەتتى مەديتسينالىق كومەكتى كورسەتپەي، ءولىمدى قاتە انىقتاعان بولۋى مۇمكىن.

ساراپشى جۇمىس ىستەيتىن كومپانيا ورىن العان جاعدايعا وكىنەتىنىن ءبىلدىرىپ، قاتاڭ شارالار قولداناتىنىن مالىمدەدى، بىراق قوسىمشا اقپارات بەرمەدى.

پىكىرلەر