7 ماۋسىم كۇنى اقش-تىڭ كاناۆەرال مۇيىسىندەگى SLC-40 عارىش ايلاعىنان SpaceX كومپانياسىنىڭ Falcon 9 Block 5 زىمىران تاسىعىشى ءساتتى ۇشىرىلدى، دەپ حابارلايدى "ادىرنا" ۇلتتىق پورتالى.
بۇل - Falcon 9 زىمىرانىنىڭ 486-شى ۇشىرىلىمى.
زىمىران SiriusXM كومپانياسى ءۇشىن سالماعى 6400 كگ بولاتىن SXM-10 گەوستاتسيونارلىق راديوسپۋتنيگىن وربيتاعا جەتكىزدى. بۇل سپۋتنيك سولتۇستىك امەريكا تۇرعىندارىنا مۋزىكا، پودكاست جانە باسقا دا اۋديوقىزمەتتەردى ۇسىنۋعا ارنالعان.
ۇشىرىلىمدا زىمىراننىڭ ءبىرىنشى ساتىسى سەگىزىنشى رەت قولدانىلىپ، اتلانت مۇحيتىنداعى ارنايى پلاتفورماعا امان-ەسەن قوندى. SXM-10 سپۋتنيگىن امەريكالىق Maxar كومپانياسى جاساپ شىعارعان. ول SiriusXM وربيتالىق توبىنىڭ ءۇشىنشى بۋىنىنا جاتادى جانە سيگنال ساپاسىن جاقسارتادى.
