رەسەي پرەزيدەنتى ۆلاديمير پۋتين تاجىكستان پرەزيدەنتى ەمومالي راحمونمەن كەزدەسۋ بارىسىندا ماسكەۋ وبلىسىنداعى مەكتەپتە قازا تاپقان بالانىڭ ولىمىنە قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
رەسەي پرەزيدەنتى تاجىك بالاسى قوبيلجون اليەۆتىڭ ولىمىنە بايلانىستى كوڭىل ايتىپ، بولعان وقيعانى تەراكت دەپ اتادى.
ء«بىزدىڭ ەكىجاقتى كەزدەسۋىمىزدى بىرنەشە كۇن بۇرىن تاجىكستاننان كەلگەن بالانىڭ قازا تابۋىنا بايلانىستى سىزگە جانە ونىڭ وتباسىنا شىنايى كوڭىل ايتۋدان باستاعىم كەلەدى. بالالارعا قارسى جاسالعان تەراكت — جيىركەنىشتى قىلمىس. تەرگەۋ سوڭىنا دەيىن جەتكىزىلىپ، كىنالىلەر تولىق كولەمدە جازالاناتىنىنا كۇمان جوق»، — دەدى ۆلاديمير پۋتين.
ايتا كەتەيىك، قىلمىس جاسادى دەگەن كۇدىكپەن 15 جاستاعى تيموفەي ك.-عا قاتىستى «ادام ءولتىرۋ» جانە «ەكى نەمەسە ودان دا كوپ ادامدى ولتىرۋگە وقتالۋ» باپتارى بويىنشا قىلمىستىق ءىس قوزعالدى. بۇعان دەيىن باق-تا مەكتەپكە جاسالعان شابۋىل «وقىس وقيعا»، «تراگەديا»، «توتەنشە جاعداي» نەمەسە «پىشاقتاسۋ» دەپ سيپاتتالىپ كەلگەن.
ەسكە سالساق، 16 جەلتوقسان كۇنى ماسكەۋ وبلىسىنىڭ ودينتسوۆو اۋدانىنداعى گوركي-2 ەلدى مەكەنىندە ورنالاسقان ۋسپەن ورتا مەكتەبىنە 15 جاستاعى وقۋشى تيموفەي ك. پىشاق جانە گاز باللونىمەن كەلگەن. ول مەكتەپ كۇزەتشىسىن جاراقاتتاپ، 4-سىنىپ وقۋشىسى قوبيلجون اليەۆتى ولتىرگەن. قازا تاپقان بالانىڭ اناسى وسى مەكتەپتە ەدەن جۋشى بولىپ جۇمىس ىستەگەن.
