ۆلاديمير پۋتين رەسەي فەدەراتسياسىنىڭ قارۋلى كۇشتەرىندە قىزمەت وتكەرۋ تۋرالى كەلىسىمشارتقا وتىرعان شەتەلدىكتەرگە ەل ازاماتتىعىن بەرۋ تۋرالى جارلىققا قول قويدى، دەپ حابارلايدى «ادىرنا» ءتىلشىسى.
«ارنايى اسكەري وپەراتسيا كەزەڭىندە رەسەي فەدەراتسياسىنىڭ قارۋلى كۇشتەرىمەن كەلىسىمشارت جاساسقان شەتەل ازاماتتارى رەسەي فەدەراتسياسىنىڭ ازاماتتىعىنا قابىلداۋ تۋرالى ءوتىنىش بەرە الادى»، – دەلىنگەن جارلىقتا.
ازاماتتىق الۋعا ءوتىنىش بىلدىرگەندەر مىندەتتى تۇردە ساۋساق ءىزىن تىركەۋدەن ءوتىپ، دارىگەردىڭ رەتسەپتىنسىز ەسىرتكى نەمەسە پسيحوتروپتىق زاتتاردى تۇتىنۋدىڭ جوقتىعىن راستايتىن مەديتسينالىق انىقتامالاردى ۇسىنۋى كەرەك. بۇدان بولەك باسقالارعا قاۋىپ توندىرەتىن جۇقپالى اۋرۋلارى بولماۋى ءتيىس.
ۇقساس جاڭالىقتار
