رەسەي پرەزيدەنتى ۆلاديمير پۋتين بەلارۋستە تاكتيكالىق يادرولىق قارۋدى ساقتايتىن ارنايى قويمانىڭ قۇرىلىسى 1 شىلدەگە دەيىن اياقتالاتىنىن ايتتى. بۇل تۋرالى ول ە "روسسيا 24" تەلەارناسىنا بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
"3 ساۋىردەن باستاپ ەكيپاجداردى وقىتۋدى باستايمىز. ال 1 شىلدەدە اۋماقتا تاكتيكالىق يادرولىق قارۋدى ساقتايتىن ارنايى قويمانىڭ قۇرىلىسىن اياقتايمىز", - دەدى پۋتين.
سونداي-اق، وندا ستراتەگيالىق شابۋىل قارۋلارىن ودان ءارى قىسقارتۋ جانە شەكتەۋ جونىندەگى شارالار تۋرالى شارت (START, START-III) بويىنشا مىندەتتەمەلەردى بۇزباي، تاكتيكالىق يادرولىق قارۋ ورنالاستىرىلاتىنى اتاپ ءوتىلدى.
پۋتين مۇنداي قادامعا ۇلىبريتانيانىڭ ۋكرايناعا تاۋسىلعان ۋرانى بار وق-دارىلەردى جەتكىزۋ تۋرالى مالىمدەمەسى سەبەپ بولعانىن ايتتى. ودان بولەك، بەلارۋس رەسەيدىڭ يادرولىق قارۋىن ءوز اۋماعىندا ورنالاستىرۋدى بۇرىننان سۇراعانىن اتاپ ءوتىپ، ماسكەۋ امەريكا قۇراما شتاتتارىنىڭ ونداعان جىلدار بويى ىستەپ كەلە جاتقانىنا جاۋا بەرگەنىن جەتكىزدى.
