جامبىل وبلىسىندا جولاۋشىلار پويىزى اۆتوبۋسپەن سوقتىعىسۋدان امان قالدى

684
Adyrna.kz Telegram
https://adyrna.kz/content/uploads/2025/06/photo_2025-06-08_09-33-07-960x500.jpg?token=ff84ab955af3e20b3c94b83a92d76161

7 ماۋسىم كۇنى جامبىل وبلىسىنداعى تاراز – شۋ باعىتىنا قاراستى قورعاتى-ءتاتتى تەمىرجول وتكەلىندە جولاۋشىلار پويىزى اۆتوبۋسپەن سوقتىعىسۋدان ءساتتى تۇردە امان قالدى، دەپ حابارلايدى "ادىرنا" ۇلتتىق پورتالى.

بۇل تۋرالى "قازاقستان تەمىر جولى" كومپانياسى مالىمدەدى.

وقيعا باقىلاۋسىز، بىراق رەتتەلەتىن تەمىر جول وتكەلىندە ورىن العان. اۆتوبۋس تەمىر جولعا جاقىنداپ كەلە جاتقان پويىزدىڭ الدىنا شىعىپ كەتكەن. الايدا ماشينيست شۇعىل تەجەگىش قولدانىپ، سوقتىعىسۋدىڭ الدىن الدى.

اۆتوبۋس جۇرگىزۋشىسى وقيعا ورنىنان بوي تاسالاپ كەتكەن. بۇل جونىندە قۇقىق قورعاۋ ورگاندارىنا حابار بەرىلگەن. كتج وكىلدەرىنىڭ ايتۋىنشا، ماشينيست پەن لوكوموتيۆ بريگاداسىنىڭ كاسىبي ارەكەتىنىڭ ارقاسىندا جولاۋشىلار زارداپ شەكپەگەن.

ۇقساس جاعداي وسى ۋچاسكەدە ءبىر كۇن بۇرىن دا تىركەلگەن. تاراز – شۋ باعىتىنداعى وتكەلدە تراكتوردان ءۇزىلىپ قالعان تىركەمەلەر تەمىر جولدىڭ ۇستىنە ءتۇسىپ كەتكەن. پويىز ءماشينيسى دەر كەزىندە تەجەگىش باسىپ، پويىز تىركەمەلەردەن نەبارى ەكى مەتر جەردە توقتادى. تىركەمەلەر شۇعىل تۇردە جولدان شىعارىلىپ، پويىز قوزعالىسىن جالعاستىردى.

"قازاقستان تەمىر جولى" ۇلتتىق كومپانياسى ازاماتتاردى تەمىر جول وتكەلدەرىنەن ءوتۋ كەزىندە قاۋىپسىزدىك ەرەجەلەرىن ساقتاۋعا شاقىرادى. تەمىر جول – اسا قاۋىپتى ايماق، ال ەرەجەلەردى ەلەمەۋ قايعىلى جاعدايلارعا الىپ كەلۋى مۇمكىن.

پىكىرلەر