«قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت جانە تاريحي-مادەني مۇرا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭى قابىلداندى. بۇل تۋرالى بۇگىن وكق وتكەن بريفينگىندە قر مادەنيەت جانە سپورت ۆيتسە-ءمينيسترى عالىم اxمەدياروۆ ءمالىم ەتتى.
"جاڭا زاڭ "100 ناقتى قادام" ۇلتتىق جوسپاردان قۇرالعان ستراتەگيالىق قىزمەتتەردى ءتيىمدى ىسكە اسىرۋعا جانە وسى سالاداعى قىزمەتتەردى جەتىلدىرۋگە مۇمكىندىك بەرەدى. زاڭ قولدانىستاعى تسيرك، تەاتر ونەرى، مۋزەي جانە كىتاپحانا قىزمەتتەرى، قوعامدىق ماڭىزى بار ادەبيەتتى باسىپ شىعارۋدى، سونىمەن بىرگە تاريحي-مادەني مۇرا ماسەلەلەرى بويىنشا مادەنيەت سالاسىنداعى زاڭنامانى جەتىلدىرۋدى كوزدەيدى. سونىمەن قاتار، قازاقستان راتيفيكاتسيالاعان ماتەريالدىق ەمەس مادەني مۇرانى قورعاۋ تۋرالى كونۆەنتسيا نەگىزىندە ماتەريالدىق ەمەس مادەني مۇرانى قورعاۋعا جانە بۇۇ قىزمەتىنە قازاقستاننىڭ قاتىسۋىنا باعىتتالعان نورمالار قامتىلادى", دەدى ۆيتسە-مينيستر."توقتالا كەتەتىن جايت، زاڭعا سايكەس، ەندى قازاقستان اۋماعىندا جاڭا قۇرىلىستار مەن مونۋمەنتتەردى ورناتۋ، تاريح جانە مادەنيەت ەسكەرتكىشتەرىنە عىلىمي-جاڭعىرتۋ جۇمىستارىن جۇرگىزۋ ماسەلەلەرى قاراستىرىلماق. زاڭدا سونداي-اق، مەملەكەتتىك مۇلىك بولىپ تابىلاتىن تاريحي-مادەني مۇرا نىساندارىنا قاتىستى جەرگىلىكتى اتقارۋشى ورگانداردىڭ وكىلەتتىگىن اجىراتۋ كوزدەلەدى", دەدى ع.اxمەدياروۆ.ايتا كەتەيىك، جاڭا زاڭ مادەنيەت سالاسىنداعى مەملەكەتتiك ساياساتتىڭ قۇقىقتىق، ەكونوميكالىق، الەۋمەتتiك جانە ۇيىمدىق نەگiزدەرiن بەلگiلەيدi. قازاقتىڭ ۇلتتىق مادەنيەتiن، قازاقستاننىڭ باسقا حالىقتارىنىڭ مادەنيەتiن جاساۋ، جاڭعىرتۋ، ساقتاۋ، دامىتۋ جانە تاراتۋ سالاسىنداعى قوعامدىق قاتىناستاردى رەتتەۋگە مۇمكىندىك بەرەدى.
