قر ورتالىق كوممۋنيكاتسيالار قىزمەتىندە وتكەن بريفينگ بارىسىندا شقو اكىمى دانيال احمەتوۆ تەحنيكالىق جانە كاسىپتىك ءبىلىم بەرۋ سالاسى تۋرالى ايتىپ بەردى.
بيىل ەڭبەك جانە الەۋمەتتىك قورعاۋ مينيسترلىگى جۇرگىزگەن ساراپتاما جۇمىستارىنىڭ ناتيجەسىندە جوعارى سۇرانىسقا يە 100 ماماندىقتىڭ 65-ءسى تەحنيكالىق جانە كاسىپتىك ءبىلىم بەرۋ سالاسىنىڭ ماماندارى ەكەنى انىقتالدى. ونىڭ ىشىنجە ءىت-ماماندار، 3D مودەلدەۋ جانە باعدارلامالاۋ بويىنشا ينجەنەرلەر، "اقىلدى قالا" سالۋ ءۇشىن ساۋلەتشىلەر مەن جوبالاۋشىلار، مۋلتيمەديالىق جانە گرافيكالىق ديزاينەرلەر، ءوندىرىستى اۆتوماتتاندىراتىن ماماندار بار.
بۇگىندە ەڭبەك نارىعى جاڭا تەحنولوگيالاردى جەتىك مەڭگەرەتىن مامانداردى تالاپ ەتەدى. سوندىقتان تەحنيكالىق جانە كاسىپتىك ءبىلىم بەرۋ سالاسىنا باسا نازار اۋدارۋ قاجەت. وسى باعىتتا وبلىستا ءتيىستى شارالار جۇرگىزىلۋدە. تەحنيكالىق جانە كاسىپتىك ءبىلىم بەرۋ باعدارلاماسىن دامىتۋدىڭ كەزەڭدىك جوسپارى قۇرىلعان. اعىمداعى جىلى وبلىستاعى 14 كوللەدجدەگى 32 كابينەت قايتا جابدىقتالدى. بولاشاق جاس ماماندارعا ساپالى ءبىلىم بەرۋ ءۇشىن ءوندىرىس ورىندارىمەن تىعىز قارىم-قاتىناستا جۇمىس ىستەلۋدە. سەمەيدەگى ەلەكتروتەحنيكالىق كوللەدج بەن وسكەمەندەگى پوليتەحنيكالىق كوللەدجدىڭ بازاسىندا ءىت-باعىتتاعى ورتالىقتار اشىلعان. وعان وبلىستىق بيۋدجەتتەن 398 ملن تەڭگە ءبولىندى. وسكەمەندەگى كوپسالالى تەحنولوگيالىق كوللەدجدە "KAZMINERALS"-ءتىڭ قولداۋىمەن ارنايى ورتالىق اشىلدى. وعان قاجەتتى قۇرال-جابدىقتاردى الۋعا 300 ملن تەڭگە ءبولىندى.
"جاس مامان" رەسپۋبليكالىق جوباسى اياسىندا 2021 جىلعا دەيىن وبلىستا ونەركاسىپ، قىزمەت كورسەتۋ، قۇرىلىس جانە كولىك سياقتى 8 ورتالىق اشىلادى.
جالپى، تەحنيكالىق جانە كاسىپتىك ءبىلىم بەرۋ مەكەمەلەرىن ينۆەستيتسيالاۋعا 7 ملرد تەڭگە قاراستىرىلعان.
باعدارلامانىڭ باستى ماقساتى - 2022 جىلعا دەيىن ورتاشا ءبىلىم العان مامانداردىڭ كاسىبيلىگىن 24%-عا كوتەرىپ، كوللەدج تۇلەكتەرىنىڭ 16%-ىن جۇمىسپەن قامتاماسىز ەتۋ.
ايتا كەتەيىك، شقو-داعى كوللەدجدەردىڭ ستۋدەنتتەرى حالىقارالىق WorldSkills قوزعالىسىنا قاتىسىپ، جۇمىسشى ماماندىقتارىنىڭ ماڭىزدى ءرول اتقاراتىنىن دالەلدەپ ءجۇر. سوڭعى ەكى جىلدىڭ كولەمىندە ءبىزدىڭ وبلىستىڭ قۇراماسى رەسپۋبليكالىق جارىستا كوشباسشى اتاندى. وعان دالەل دە جەتەرلىك. قازاقستان قۇراماسى (كوماندانىڭ نەگىزىن شقو-نىڭ جاستارى قۇرادى) 45-ءشى WordSkills Kazan الەمدىك چەمپيوناتىندا جۇلدەمەن ورالدى. "اۆياتسيالىق جۇيەنى پيلوتسىز باسقارۋ" رەجيمى بويىنشا قازاقستاندىقتار مەحاترونيكا بويىنشا «Medallion for Excellence» جانە "ۆest of national» مەدالدارىن يەلەندى.
«ادىرنا» پورتالى
