پرەمەر-ءمينيستردىڭ ءبىرىنشى ورىنباسارى نۇرلىبەك نالىباەۆ شىعىس قازاقستان وبلىسىندا جىلىتۋ ماۋسىمىنا دايىندىق جانە بىرقاتار ينفراقۇرىلىمدىق جوبالاردىڭ ىسكە اسىرىلۋ بارىسىن تەكسەردى، دەپ حابارلايدى "ادىرنا" ۇلتتىق پورتالى.
جۇمىس ساپارى بارىسىندا ريددەر جىلۋ ەلەكتر ورتالىعىنداعى دايىندىق جۇمىستارىنا ەرەكشە نازار اۋدارىلدى. قازىرگى ۋاقىتتا كاسىپورىندا №5 جانە №6 قازاندىق اگرەگاتتارىنا كۇردەلى جوندەۋ جۇرگىزىلىپ، 3,3 شاقىرىم جىلۋ جەلىسى جاڭارتىلىپ جاتىر.
«شىعىستا قىس ەرتە تۇسەتىندىكتەن، جىلىتۋ ماۋسىمىنا دايىندىق بارلىق تالاپتارعا ساي جۇرگىزىلۋى ءتيىس. باستى مىندەتتەرىمىزدىڭ ءبىرى – جىلىتۋ ماۋسىمىن ەشقانداي اقاۋسىز، اپاتسىز وتكىزۋ. سەبەبى بۇل ماسەلە مەملەكەت باسشىسىنىڭ نازارىندا، پرەمەر-ءمينيستردىڭ قاتاڭ باقىلاۋىندا»، – دەدى پرەمەر-ءمينيستردىڭ ءبىرىنشى ورىنباسارى.
ۇكىمەتتىڭ مالىمەتىنشە، وڭىردەگى جىلۋمەن جابدىقتاۋ نىساندارىن جاڭعىرتۋ جانە جىلىتۋ ماۋسىمىنا دايىندىق جۇمىستارى بەلگىلەنگەن جوسپارعا سايكەس جالعاسىپ جاتىر.
