بايلانىس وپەراتورلارىنا ابونەنتتىك تولەمدى كوتەرۋگە تىيىم سالىنادى

797

«اق جول» پارتياسى ەلىمىزدەگى بايلانىس وپەراتورلارىنىڭ دەپوزيتىن سۇراتقاننان كەيىن، بايلانىس ابونەنتتىك تولەمدى كوتەرۋگە تىيىم سالىنادى - دەپ حابارلايدى قازتاگ جاڭالىقتارى.

ەسكە سالساق، 20 قاراشادا «اق جول» پارتياسىنىڭ دەپۋتاتتارى قازاقستان رەسپۋبليكاسى پرەمەر-ءمينيسترىنىڭ ورىنباسارى رومان سكليارعا ۇيالى بايلانىس وپەراتورلارىنىڭ باعالارىن كوتەرۋىنە وراي ارنايى تەرگەۋ جۇرگىزۋدى سۇراعان بولاتىن.

«بيىل Activ, KCell, Beeline ۇيالى بايلانىس وپەراتورلارى جاڭا تاريفتىك جوسپارعا كوشتى، وعان سايكەس اي سايىنعى تولەم ءتورت اپتادا ءبىر رەت الىنادى. بۇرىن تولەم ايىنا ءبىر رەت تولەنەتىن. ناتيجەسىندە، ەندى ءاربىر پايدالانۋشى جىلىنا 12 ەمەس، 13 رەت تولەيدى.

شىندىعىندا، كورسەتىلگەن قىزمەتتەرگە 8% -دان استام جاسىرىن ءوسىم بايقالدى. وزگەرىستەردى ۇيالى بايلانىس وپەراتورلارى بارلىعى دەرلىك ءبىر ۋاقىتتا، بىرجاقتى تارتىپپەن جانە ءتىپتى پايدالانۋشىلارعا ءتيىستى تۇردە ەسكەرتپەستەن جۇزەگە اسىردى»، - دەپ اتاپ ءوتتى ەكاتەرينا نيكيتينسكايا دەپۋتاتتىق ساۋالىندا.

قازتاگ ءتىلشىسىنىڭ حابارلاۋىنشا، ءتيىستى تۇزەتۋلەر جوباسى ۇسىنىلىپ، سوعان سايكەس «اۆانستىق تولەمدى قاراستىراتىن تاريفتىك جوسپاردىڭ ەسەپتىك كەزەڭى باستالادى» دەگەن تۇجىرىمداما پايدا بولۋى مۇمكىن.

«قر تسيفرلىق دامۋ، يننوۆاتسيا جانە اەروعارىش ونەركاسىبى مينيسترلىگى تۇسىندىرگەندەي، قر پرەمەر-ءمينيسترىنىڭ ورىنباسارى رومان سكلياردىڭ 22 قاراشاداعى 17-6/3448  تاپسىرماسىن ورىنداۋ ماقساتىندا  جانە ابونەنتتەر تاراپىنان ۇيالى بايلانىس وپەراتورلارىنىڭ تاريفتىك جوسپارلاردى 28 كۇنگە قىسقارتۋىنا تۇسكەن شاعىمدارىنا وراي ارنايى نورما ەنگىزىلۋدە. 

«وسىعان بايلانىستى، ارنايى نورمادا «تاريفتىك جوسپاردىڭ مەرزىمى كورسەتىلگەن». اقشا ابونەنتتىڭ جەكە شوتىنان ابونەنت تاڭداعان تاريفتىك جوسپارعا قوسىلعان كۇنى الىنادى. كەيىننەن ەسەپتەن شىعارۋ كەلەسى ايدىڭ ءدال سول كۇنىندە جۇرگىزىلەدى. ەگەر ابونەنت تاريفتىك جوسپارعا ايدىڭ سوڭعى كۇنىندە قوسىلسا، ابونەنتتىڭ جەكە كابينەتىندەگى اقشانى شوتتان الۋ كەلەسى ايدىڭ سوڭعى كۇنى بولادى»، - دەلىنگەن اقپاراتتىق حابارلامادا.

«اق جول» پارتياسى جانە ونىڭ پارلامەنتتىك فراكتسياسى ءوزىنىڭ سايلاۋالدى باعدارلاماسىن جۇزەگە اسىرۋ مەن سايلاۋشىلاردىڭ مۇددەلەرىن قورعاۋ جۇمىستارىن جالعاستىرۋدا.

پىكىرلەر
رەداكتسيا تاڭداۋى