تاڭعى كۇن الاتاۋدى قارالى حابارمەن وياتتى. الماتى تۇبىندەگى ۇشاق اپاتى جالپاق قازاق دالاسىن اھ ۇرعىزدى. 100 ادامدى تيەگەن اۋە كەمەسى كوككە كوتەرىلە بەرە، قاناتى تالعان قۇستاي قۇلادى.
الماتى اۋەجايىنىڭ حابارلاۋىنشا، جەرگىلىكتى ۋاقىت بويىنشا تاڭەرتەڭگى ساعات 7:05 كەزىندە №2100 رەيسپەن نۇر-سۇلتانعا ۇشىپ شىققان ۇشاق اۋەگە كوتەرىلگەن سوڭ كوپ ۇزاماي بايلانىس ۇزىلگەن. اۋەجاي ءباسپاسوز قىزمەتىنىڭ حابارلاۋىنشا، ۇشاقتا 93 جولاۋشى جانە ەكيپاجدىڭ بەس مۇشەسى بولعان.
رەسمي تۇردە الماتى قالالىق اكىمدىگى ۇشاق اپاتىنان 12 ادامنىڭ قازا بولعانىن مالىمدەپ، ولاردىڭ ءتىزىمىن جاريالادى. ولاردىڭ اراسىندا ەكيپاج كومانديرى دە بار.
پرەزيدەنت قاسىم-جومارت توقاەۆ الماتىنىڭ جانىنداعى جولاۋشىلار ۇشاعىنىڭ اپاتى مەن سول جەردەگى ادامداردىڭ قازاسىنا بايلانىستى 2019 جىلدىڭ 28 جەلتوقسانىن جالپىۇلتتىق ازا تۇتۋ كۇنى رەتىندە جاريالادى.
بۇعان دەيىن مەملەكەت باسشىسى ۇشاق اپاتىنان قازا بولعانداردىڭ جاقىندارىنا قايعىرىپ كوڭىل ايتقان ەدى. سونىمەن قاتار پرەزيدەنت كىنالىلەر زاڭعا سايكەس قاتاڭ جازالاناتىنىن جەتكىزدى.
"ادىرنا" ۇلتتىق-ەتنوگرافيالىق بىرلەستىگى مەن "ادىرنا" ۇلتتىق پورتالى قازا تاپقان مارقۇمداردىڭ وتباسى مەن تۋعان-تۋىستارىنا قايعىرىپ كوڭىل ايتادى.
"ادىرنا" ۇلتتىق پورتالى
