قازاقستاندا بۇگىننەن باستاپ بىرنەشە زاڭ كۇشىنە ەندى

نۇر-سۇلتان، 11 قاڭتار – Sputnik. قازاقستاندا التى زاڭعا ەنگىزىلگەن تۇزەتۋلەر 11 قاڭتاردان باستاپ كۇشىنە ەندى. 2019 جىلدىڭ جەلتوقسان ايىنىڭ سوڭىندا مەملەكەت باسشىسى قاسىم-جومارت توقاەۆ بىرقاتار زاڭعا قول قويعان بولاتىن.

قىلمىستىق زاڭنامانى جەتىلدىرۋ تۋرالى

"قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جانە قىلمىستىق-پروتسەستىك زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭى بىرقاتار قىلمىس  ۇشىن جاۋاپكەرشىلىكتى كۇشەيتۋگە باعىتتالعان. ولاردىڭ اراسىندا:

• زورلاۋ،
• براكونەرلىك،
• مال ۇرلىعى،
• ەسىرتكى تاراتۋ،
• وسىمدىكتەر مەن جانۋارلار الەمىن قورعاۋ ينسپەكتورىنىڭ ومىرىنە، قورىقشى قىزمەتىنە قاستاندىق،
• ماس كۇيىندە كولىك جۇرگىزۋ،
• سونىمەن قاتار بىرقاتار باسقا دا قاۋىپتى قۇقىق بۇزۋشىلىقتار بار.

سونىمەن قاتار، زاڭ بالا اسىراپ الۋعا كومەكتەسەتىن ۇيىمداردىڭ جۇمىسىنا قۇقىقتىق جاعداي جاساۋدى، شەتەلدىكتەردى مىندەتتى تىركەۋدى الىپ تاستاۋدى قاراستىرادى.

پەداگوگ مارتەبەسى تۋرالى

"پەداگوگ مارتەبەسى تۋرالى" قازاقستان رەسپۋبليكاسىنىڭ زاڭى مۇعالىمدەردىڭ جۇكتەمەسىن ازايتۋدى كوزدەيدى جانە ولارعا ءوزىن-ءوزى دامىتۋعا جانە شىعارماشىلىقپەن اينالىسۋعا مۇمكىندىك بەرەدى. سونىمەن قاتار، پەداگوگتاردىڭ جالاقىسى 25% -كە، ال سىنىپ جەتەكشىلىگى ءۇشىن قوسىمشا تولەم ەكى ەسەگە ارتادى. پەداگوگتارعا قول كوتەرگەندەر زاڭمەن جازالانادى. وقۋشى مەن مۇعالىمگە جۇكتەمەنى تومەندەتۋ "قازاقستان رەسپۋبليكاسىنىڭ كەيبىر زاڭنامالىق اكتىلەرىنە پەداگوگ مارتەبەسى، وقۋشى مەن مۇعالىمگە جۇكتەمەنى تومەندەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى " قازاقستان رەسپۋبليكاسىنىڭ زاڭى جەتىم بالالار مەن اتا-اناسىنىڭ قامقورلىعىنسىز قالعان بالالاردى جايلاستىرۋدى ۇيىمداستىرۋ قىزمەتىن رەگلامەنتتەۋدى قاراستىرادى. ولاردىڭ قاتارىندا سونداي-اق لاڭكەستىك بەلسەندىلىك جوعارى ايماقتاردان كەلگەن ازاماتتاردى وڭالتۋدى جۇزەگە اسىراتىن، سونىمەن قاتار ءبىلىم، عىلىم جانە بالانىڭ قۇقىقتارىن قورعاۋ سالاسىنداعى قولدانىستاعى زاڭنامانىڭ قۇقىقتىق كەمشىلىكتەرى مەن قايشىلىقتارىن جوياتىن ۇيىمدار بار. ايتا كەتۋ كەرەك، ءتيىستى زاڭ جوبالارىن ازىرلەۋدى قازاقستان پرەزيدەنتى تاپسىردى. ولار 2019 جىلى پارلامەنت سەناتىندا قابىلداندى.