قانات يسلام جاڭا باپكەرىمەن جاتتىعۋعا كىرىستى

246

ورتا سالماقتا جۇدىرىقتاساتىن قازاقستاندىق بوكسشى قانات يسلام (27-0, 21 كو) وتاندىق باپكەر نۇرعالي سافيۋللينمەن جاتتىعا باستادى. بۇل تۋرالى Vesti.kz حابارلادى.
بوكستان قازاقستان قۇراماسىنىڭ بۇرىنعى اعا باپكەرى جاقىندا قانات يسلاممەن قوش ايتىسقان باگاۋدين بەكوۆتىڭ ورنىنا كەلدى.
قانات يسلام كەيىنگى ەكى جەكپە-جەگىنە دايىنداعان باپكەرمەن جاتتىعۋىن توقتاتقان بولاتىن.
ەسكە سالا كەتسەك، بەكوۆ 2019 جىلى قانات يسلامدى ەكى جەكپە-جەككە، ياعني، ماۋسىمدا دومينيكاندىق حۋليو دە حەسۋسپەن (27-2, 24 كو) جانە قازاندا ناميبيالىق ۋولتەر كاۋتوندوكۆامەن (18-2, 11 كو) جاتتىقتىرعان. كەيىنگى كەزدەسۋدە بوكسشى قولىن جاراقاتتاعان، ال بىلتىر جىل سوڭىندا قايتادان جاتتىعا باستادى.
قانات يسلام بۇرىن دا ءسافيۋلليننىڭ قول استىندا جاتتىقان. ال قازاقستاندىق مامان مىرزاعالي ايتجانوۆ، مۇحتارحان دىلدابەكوۆ، نۇرجان سمانوۆ، سونداي-اق، جارتىلاي اۋىر جانە ءبىرىنشى اۋرى سالماقتا WBA چەمپيونى بەيبىت شۇمەنوۆ (18-2, 12 كو) سياقتى بىرنەشە وتاندىق بوكس جۇلىزدارىن دايىنداعان.

پىكىرلەر