قورداي اۋدانىندا اقساقالدى سوققىعا جىققان كۇدىكتى بىرنەشە اپتادان كەيىن سوتقا بەرىلەدى. بۇل تۋرالى ىشكى ىستەر ءمينيسترى ەرلان تۇرعىمباەۆ ءمالىم ەتتى، - دەپ حابارلايدى Tengrinews.kz .
"قوردايدا قازىر جاعداي تۇراقتى، كۇندىز-ءتۇنى ۇلتتىق گۆارديا قىزمەتكەرلەرىمەن جۇمىس ىستەپ جاتىرمىز. پوليتسيا قىزمەتكەرلەرىنە قول كوتەرگەن ءۇش ادامنىڭ بارلىعى تابىلدى، ۇستالدى. ەكى-ءۇش اپتادا ولاردىڭ ءىسى سوتقا بەرىلەدى.
سونداي-اق اقساقالدى ۇرىپ-سوققان ادام دا ۇستالدى. ونى ەكىنشى كۇنى تاۋىپ، ۇستادىق جانە مەديتسينالىق ساراپتاما اياقتالعان سوڭ ەكى-ءۇش اپتادان كەيىن سوتقا بەرەمىز", - دەدى ءىىم باسشىسى سەناتتا.
"بۇل قىلمىسكەرلەر تابىلدى ما؟ (...) قاي ەلدە جۇرسەك تە، ەرەسەكتەرگە كۇش قولدانۋ بىزدە بولعان ەمەس. بۇل قىلمىس. قارت كىسىنى ۇرعاندار تابىلدى", - دەپ قوستى ول.
بۇعان دەيىن قورداي اۋدانىنداعى تارتىپسىزدىك كەزىندە زارداپ شەككەن اقساقال اۋرۋحانادان شىعارىلعانى حابارلانعان. دارىگەرلەر ونىڭ جاعدايىن قاناعاتتانارلىق دەپ باعالادى.
