جانبولات ماماي 3 تاۋلىككە قامالدى

3264
Adyrna.kz Telegram
https://adyrna.kz/content/uploads/2020/02/mamaj.jpeg
جانبولات ماماي مەن جانبول راحماتۋللا حالىقتى ميتينگىگە شاقىردى دەپ ايىپتالىپ، قاماۋعا الىندى، - دەپ حابارلايدى ءىىم ءباسپاسوز قىزمەتى.
"21 اقپاندا 1988 جىلى تۋعان ماماي جانبولات پەن 1991 جىلى تۋعان راحماتۋللا جانبولدى الماتى وبلىسى قاراساي اۋدانىنىڭ پب قىزمەتكەرلەرى قر اقبتك-ءنىڭ 488-بابى 3-بولىگىندە كوزدەلگەن اكىمشىلىك قۇقىقبۇزۋشىلىق جاساعانى ءۇشىن ۇستادى", - دەپ حابارلادى ءىىم وكىلدەرى.
كەشە تۇندە دەمپارتيا قۇرامىن دەگەن جانبولات مامايدى قاسكەلەڭ اۋداندىق ىشكى ىستەر باسقارماسىنا الىپ كەتكەنىن جاقتاستارى حابارلاعان بولاتىن.
ءباسپاسوز قىزمەتىندەگىلەر ولار الەۋمەتتىك جەلىلەردە ازاماتتاردى رۇقسات ەتىلمەگەن ميتينگىگە شاقىرعانى ءۇشىن ۇستالعانىن حابارلادى. قاراساي اۋداندىق سوتىنىڭ قاۋلىسىمەن جانبولات ماماي 3 تاۋلىككە، راحماتۋللا 15 تاۋلىككە اكىمشىلىك قاماۋعا الىنعان.  
پىكىرلەر