30 جىلعا جالعاسقان مەملەكەت بايلىعىن تالان-تاراجعا سالۋ مەن الداپ-ارباۋ ءالى جالعاسىپ كەلەدى.
ونى ۋكراينا، گرۋزيا، ارمەنيا، قىرعىزستان سەكىلدى بىرنەشە كۇن الاڭدا تۇرىپ قانا قۇتىلۋعا بولاتىنىن سانالانىڭ نوبايى بىلسە كەرەك.
وكىنىشكە قاراي ،كوپ جىگىتتەر ەلدى الاڭنان الىستاتىپ، "ۇلتشىلمىز"-دەگەن بەتپەردەلەرىمەن جان-جاققا بۇرىپ، الداستىرعاندارىنا ءماز.
"ويان، قازاق!"-دەگەن مىرجاقىپ اتامىزدىڭ ايتقانىنا دا ءجۇز جىلداي ءوتىپتى.
كەيىنگى جىلدارى ءجيى ەستيمىز.
"سوزدەن گورى ارەكەتكە كوشۋىمىز كەرەك"-دەپ جۇرگەن ازاماتاردىڭ سانى كۇن سايىن كوبەيۋدە.
نامىستى باتىل جىگىتتەر ميتينگدەن قالمايدى.
بيلىككە قارسى پارتيانى تىركەمەيتىنىن بىلسە دە ، "پارتيا"-دەپ جۇرگەندەرگە ، ازاماتتار "ەلدى تەك كوشە عانا قۇتقارادى"-دەپ ءجۇر.
وڭ ءسوز! اللا تاعالا الدارىنان جارىلقاسىن!
كەشە فەيسبۋكتەن قاراپ وتىرسام، كەيبىرى "كوشە پارتياسى"-دەپ كيىمدەر كيىپ جۇرگەندى بايقادىق. قۇپتارلىق!
2018 جىلدىڭ ساۋىرىندە ارمەنيادا الاڭداردا ەرەۋىلدەپ، ءجۇز مىڭداعان ادامدار تۇردى. پرەزيدەنتتەرى وكىلەتتىلىگىن تاپسىرىپ، كەيىن تۇرمەگە وتىردى.
ارمەنياداعى ميتينگىنىڭ ەڭ ۇناعانى بىرنەشە كۇن حالىق الاڭدا تۇرعانىمەن، جەرگە ءبىر سىرىڭكە تۇسپەدى. مۋسور تاستاعان دا ەشكىم بولماپتى.
قازاقتى اۋەلى ون مىڭداپ، كەيىن ءجۇز مىڭداپ الاڭداردا تۇرعانى ابزالىراق. ەل ەرتەڭى ءۇشىن وتە قاجەتتى جاعداي!
مۇنى جۇرتتىڭ نوبايى ايتىپ ءجۇر. دۇرىس!
بۇل باعىت بيلىك قانشا كەدەرگى كەلتىرسەدە كۇشەيە بەرمەك! ينشاللا!
ايتپاعىم، كىشكەنە عانا ءبىر ءسوز! "كوشە پارتياسى"-دەگەن جاقسى، بىراق، اتىن ءسال وزگەرتىپ، "الاڭ پارتياسى"-دەگەن دۇرىسىراق.
1. ۋكراينا، گرۋزيا، ارمەنيا، قىرعىزستاندا دا كوشەدە ەمەس، الاڭداردا تۇرىپ شەشىلدى.
2. بارلىق قالادا ترانسپورتقا كەدەرگى كەلتىرمەي جينالا الاتىن جەر كوشە، پارك ەمەس، تەك قانا الاڭ!
3. كەي حالىقتا "كەمەنى قالاي اتاساڭ، سولاي جۇزەدى"-دەگەن تۇسىنىك بار.
قازاق ءتىلىنىڭ وزىندە جىڭىشكە كوشە سوزىنەن، الاڭنىڭ داۋىستىق، ماعىنالىق ت.ب تۇرعىدان ايتارى اۋقىمدىراق!
مەنىكى، ءجاي ۇسىنىس قانا. ءسوز قۋاتىنداردى ۇناتپاۋشى ەدىم. ايتقاندى ءجون كوردىم.
بۇرىننان بىرنەشە حالىقتىڭ تىلىندە بار "مايدان" ءسوزى 2013-2014 جىلدان سوڭ، الەم قۇلاق تۇرەتىن ءسوزدىڭ بىرىنە اينالدى.
ينشاللا، بۇكىل الەم بىلەتىن قازاقتىڭ العاشقى ءسوزى دە "الاڭ" بولۋى مۇمكىن.
ارەكەتكە بەرەكەت!
P. S. جاراتقان يەمىزدىڭ جار بولۋىمەن حالىق ءبىراۋىزدان جينالىپ، جەڭىپ جاتسا، ەلىمىزدىڭ ءبىر الاڭى "كوشە پارتياسىنىڭ" ەڭ بەدەلدى وكىلى، مارقۇم دۋلات اعادىل باۋىرىمىزدىڭ اتىمەن اتالۋى كەرەك!
الدانازار جايلىۇلى
