كورونا ۆيرۋستان دا قۇتىلارمىز، كوروۆا ۆيرۋستى قايتەمىز؟

2884
Adyrna.kz Telegram

"سيىر سيپاعاندى بىلمەيدى" - دەگەن اتام قازاق. ءبىزدىڭ كەيبىر شەنەۋنىك، شەندىلەر سىيلاعاندى بىلمەيدى. تويىپ الىپ، كۇيىس قايتارىپ جاتسا بولدى. ءوزىنىڭ كرەسلوسى حالىققا قىزمەت ەتۋ ءۇشىن ەكەنىن بىلمەيدى-اۋ سولار. ەلدىڭ قامىن ويلاعان بوپ، حالىقتىڭ قامىن جەگەن بوپ كورىنۋ، كولگىرسۋ، كەيدە كوسەمسۋ ءبارىنىڭ بەت پەردەسى عانا. كەيبىرىندە ول دا جوق. جاپ-جاس بولىپ، "لاۋازىمىما باس ۇر" - دەگەندى سازبەتتەنگەن تۇرىمەن كورسەتىپ، بەت-ءجۇزى ءبۇلك ەتپەي بەزەرىپ وتىرادى. ايتەۋىر كۇيىس قايىرسا بولدى. ءوزى كومانداسىنا كىرگەن باستىعى امان بولسا بولدى. سونىڭ ارتىن يىسكەپ، سيىر سياقتى شالشىققا دا، بالشىققا دا ەمىرەنە مۇرىن تىعىپ، ءوز ناۋاسىنداعى شوپتەن بۇرىن وزگەنىڭ اگارودىنا باس سۇعىپ، سونىڭ ءبىر ۋىس بولسا دا شوبىنەن تارتا جەمەي ۇيىنە قايتپايدى. سيىر بورسىعان سۋ بولسا دا ءبىر يىسكەمەي وتپەيدى. بۇلار دا سولاي، تۇمسىق تىقپايتىن جەرى جوق. ونەردەن ءبىر شوكىم حابارى جوق بولسا دا ونەرپازعا وكتەم سويلەيدى.
ءبىر دوكەيمەن قاتار تۇر ەدىم، اينالاسى سوعان قول قۋسىرىپ، وتىرىك كۇلىپ، ول بولسا جارتى الەمدى ءوزى بيلەپ تۇر ەدى، جانىمىزدان ءوتىپ بارا جاتقان ءبىر توپ جاس مەنى كورىپ شۋلاي امانداسىپ، سۋرەتكە ءتۇسىپ، ءماز بوپ كەتتى. ولار دوكەيدى تانىمادى، مويىن دا بۇرعان جوق. دوكەيىم سۇرلانىپ، مەنىمەن قوشتاسپاي، كولىگىنە ءمىنىپ كەتىپ قالدى...
ينتەلليگەنتتىك دەگەننەن قازىرگى شەنەۋنىكتىڭ كوبىندە تەك كاستوم-شالبار عانا. مادەنيەت، ادەپ، پاراسات مۇلدە جوق! سول كوروۆا ۆيرۋسقا مەن مويسۇنۋىم كەرەك پە؟ اتاڭنىڭ باسى! كۇيىسىڭدى قايتارىپ، ءبىر ىڭق ەتىپ ال دا جاتا بەر. اسقار توقپانوۆشالاپ ايتقاندا : "ارتىم كورسىن سەندەردى!"

ۋوت تاك!

 

اسقار نايمانتاەۆ

پىكىرلەر