بۇگىن – 40 جىلدان استام ۋاقىت بويى قازاق راديوسىنىڭ ء«ۇنى» بولعان ديكتور ساۋىق جاقانوۆانىڭ تۋعان كۇنى، دەپ حابارلايدى «ادىرنا» ءتىلشىسى.
ول 1945 جىلى 11 اقپاندا قاراعاندى وبلىسى جاڭاارقا اۋدانىنا قاراستى ەركىندىك اۋىلىندا دۇنيەگە كەلگەن. 1966 جىلى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىن تامامداعان.
1966-2002 جىلدارى قازاق راديوسىندا ديكتور، 1998-2000-جىلدارى تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ ساحنالىق سويلەۋ ءپانىنىڭ دارىسكەرى بولعان. 2000-2013 جىلدارى قازاقتىڭ ءال-فارابي اتىنداعى ۇلتتىق ۋنيۆەرسيتەتتىڭ جۋرناليستيكا فاكۋلتەتىندە وقىتۋشىلىق ەتكەن. جوعارى وقۋ ورىندارىنىڭ ستۋدەنتتەرىنە ارناپ «سويلەۋ تەحنيكاسى»، «جۇرگىزۋشىنىڭ سويلەۋ مادەنيەتى» جيناقتارىن جازعان. «قۇرمەت بەلگىسى» وردەنىمەن ماراپاتتالعان.
«ادىرنا» ۇلتتىق پورتالى ساۋىق ماسىعۇتقىزىن تۋعان كۇنىمەن قۇتتىقتاپ، زور دەنساۋلىق تىلەيدى!
نازارلارىڭىزعا بەلگىلى ديكتورمەن بولعان سۇقباتتى ۇسىنامىز.
