قىرعىزستاندا كوروناۆيرۋس جۇقتىرعاندار سانى 12-گە جەتتى. 21 ناۋرىزدا قىرعىزستاننىڭ دەنساۋلىق ساقتاۋ ءمينيسترىنىڭ ورىنباسارى تولو يساكوۆ تاعى التى ادامنان ۆيرۋس تابىلعانىن حابارلادى. باتكەن وبلىسى باتكەن اۋدانىنىڭ ءبىر تۇرعىنى، جالالاباد وبلىسى سۋزاك اۋدانىنىڭ بەس تۇرعىنىنا ينفەكتسيا جۇققان.
يساكوۆتىڭ ايتۋىنشا، وقشاۋلانعان ناۋقاستار ەمدەلىپ جاتىر.
قىرعىزستاندا 18 ناۋرىزدا العاش رەت ءۇش ادامنان كوروناۆيرۋس تابىلعان ەدى. ساۋد ارابياسىنان كەلگەن ۇشاق بورتىندا 144 ادام بولعان. ولار كارانتينگە جاتقىزىلدى. 20 ناۋرىزدا وش وبلىسى نووكات اۋدانىنان تاعى ءۇش ادامنان تابىلدى. ناۋقاستاردىڭ جاسى - 67, 71 جانە 77-دە. ولارمەن بايلانىستا بولعان 169 ادام دارىگەرلەر باقىلاۋىنا الىنعان. التاۋى دا ساۋد ارابياسىنا كىشى قاجىلىققا بارىپ كەلگەن. بۇل جولاۋشىلارمەن بايلانىستا بولعان مىڭنان استام ادام ءۇي كارانتينىندە نەمەسە ستاتسيوناردا جاتىر.
سەگىز ناۋقاس انىقتالعان قىرعىزستاننىڭ سۋزاك اۋدانىندا توتەنشە جاعداي جاريالانعان.
21 ناۋرىز كۇنگى دەرەك بويىنشا، الەمدە كوروناۆيرۋس جۇقتىرعاندار سانى 265 مىڭعا جەتكەن. ۆيرۋستان كوز جۇمعاندار سانى 11 200-دەن استى. 90 مىڭنان استام ادام ايىققان.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز