مينيستر ءبىرتانوۆتىڭ مىنا جاعدايدان حابارى بار ما؟

3700

الماتى قالاسىنداعى جۇقپالى اۋرۋلار اۋرۋحاناسىندا (گورودسكايا كلينيچەسكايا ينفەكتسيوننايا بولنيتسا يمەني ي. س. جاكەنوۆوي) 30-دان اسا ادام ەمدەلىپ جاتىر. بىزگە جەتكەن اقپاراتتارعا قاراعاندا ەمحانا دارىگەرلەرى جۇقپالى دەرتتەن قورعايتىن كيىمدى (پروتيۆوچۋمنىي كوستيۋم) العاشقى كۇنى العان. ءبىر كيىپ تاستايتىن كيىمدى سودان بەرى اۋىستىرماعان.
ول از بولسا، دارىگەرلەردى گوگول كوشەسىندەگى "وتىرار" قوناقۇيىنە كارانتينگە جاتقىزىپتى. بىراق، تاماقپەن قامتاماس ەتپەپتى. ءبىزدىڭ ءومىرىمىز ءۇشىن ارپالىسىپ جۇرگەن باتىر دارىگەرلەرىمىز قازىر اش قالماۋ ءۇشىن وزدەرى دۇكەن-دۇكەندەردى كەزىپ جۇرگەن كورىنەدى (جالاقىلارى تاماققا كەتىپ جاتىر).
باسشىلىق 3 ۋاقىت كيىم اۋىستىراتىنىن ايتىپ، ءبارى كەرەمەت دەپ جۋرناليستەردى شىعارىپ سالادى ەكەن.
ماعان حابارلاسقان دارىگەردىڭ ءىنىسىنىڭ جازعان حاتى ساقتاۋلى تۇر. باسقاسى قۇرىسىن، ءولىم مەن ءولىم اراسىندا جۇرگەن وسىنداي مامانداردىڭ جاعدايىن جاساپ بەرە الماساق، ءبىز مىناۋ اتى جامان ىندەتتى قالاي جەڭەمىز؟
ماسەلەنى قر پرەزيدەنتى قاسىم-جومارت توقاەۆقا بەرىك ءۋالي، Karin Erlan اعالارىمىز جەتكىزسە دەيمىن. بۇل جايت اقوردا جاقتان شەشىلمەسە، تومەن جاق شىندىق ءۇشىن شىرىلداعان دارىگەرلەردى كىنالى ەتە سالۋى مۇمكىن.
ماعان امانات جۇكتەلدى. سول اماناتقا قيانات جاساماي قر دەنساۋلىق ساقتاۋ مينيسترلىگىنىڭ نازارىنا تاستادىق، مىنە! ماسەلەگە مينيستر Yelzhan Birtanov مىرزا بەي-جاي قاراماس دەپ ويلايمىن! قىتايلارداي دارىگەرلەرگە قۇرمەت كورسەتە الماساق تا، جاعدايىن جاساپ بەرۋگە بولادى عوي!

قانات ابىلقايىر 

"...
پىكىرلەر