ەلىمىزدەگى الەۋمەتتىك جاعىنان ەڭ از قورعالعان توپتىڭ ءبىرى – جۋرناليستەر.
ولار كارانتين جاريالانعان ەلدەگى بارلىق اقپاراتتى ءۇي كورمەي، ءتۇز جايلاپ، تابانىنان تاۋسىلىپ، ءومىرىن قاۋىپكە تىگىپ، دامىلسىز جەتكىزىپ جاتىر.
ولار كارانتين جاريالانعان قالادا، اۋىلدا، مەكەمەدە كامەرالارى مەن نوۋتبۋكتارىن ارقالاپ ءجۇر، ماسكامەن-ماسكاسىز. ولار قاۋىپكە تولى قوعامدىق ورىنداردان، كوشە-الاڭداردان دامىلسىز حابار بەرىپ جاتىر.
ولار وزدەرىنىڭ كاسىبي جۋرناليستىك قىزمەتىنە ادال.
سويتە تۇرا، ولاردىڭ بۇل مەملەكەتتەگى قۇقىقتارىنان مىندەتتەمەلەرى كوپ بولىپ تۇر. رۇقساتتارىنان تىيىمدارى باسىم ءتۇسىپ جاتىر.
قازاقستانداعى جۋرناليستەردىڭ قۇقىقتىق، قاۋىپسىزدىك مۇمكىندىكتەرى شەكتەۋلى. الەۋمەتتىك كەپىلدىكتەرى جوققا ءتان.
اقيقاتى وسى!
مەنىڭشە، بىزدەگى قۇزىرلى مينيسترلىك، ۇكىمەت پەن پرەزيدەنت اكىمشىلىگى، تىم قۇرىعاندا كارانتين ۋاقىتىندا، جۋرناليستەردىڭ جەكە باس قاۋىپسىزدىگىن كۇشەيتۋگە، الەۋمەتتىك جاعدايلارىن وڭالتۋعا كوڭىل ءبولۋى ءتيىس.
مەملەكەتتىك، مەملەكەتتىك ەمەس بۇقارالىق اقپارات قۇرالدارىنىڭ قۇرىلتايشىلارى مەن باسشىلارىنا «كارانتين ۋاقىتىندا جۋرناليستەردىڭ ەڭبەك اقىسىن كوتەرۋ تۋرالى» كەشىكتىرمەي پارمەن بەرىلۋى ءتيىس.
p.s. ۇيدە، تەلەديدار مەن كومپيۋتەردىڭ الدىندا وتىرىپ، ارىپتەستەرىم كەشكە شارشاپ-شالدىعىپ ۇيلەرىنە قايتادى-اۋ دەپ ويلانامىن.
ازىق-تۇلىككە اقشالارى جەتپەسە نە بولادى؟ اۋرۋ جۇقتىرىپ كەلسە شە؟..
تالعات ەشەنۇلى
