الماتى وبلىسى، قاراساي اۋدانىنا قاراستى 20 مىڭنان استام حالىق تۇراتىن"اسىل ارمان" تۇرعىن ءۇي كەشەنى تولىقتاي كارانتينگە جابىلدى، دەپ حابارلايدى "ادىرنا" پورتالىنىڭ ءتىلشىسى. "اسىل ارمان" تۇرعىن ءۇي كەشەنى الماتى قالاسىنىڭ ءدال ىرگەسىندە ورنالاسقان.
قازىر تۇرعىن ءۇي كەشەنىنىڭ اۋماعى قورشاۋعا الىنعان. اسكەري قىزمەتشىلەر كەزەككە قويىلىپ، ءتارتىپتى قاداعالاۋدا.
تۇرعىنداردىڭ ايتۋىنشا، 20 مىڭعا جۋىق ادام تۇرعىن ءۇي جاعدايىندا وتىر. باسقارۋشى كومپانيا WhatsApp جەلىسىمەن "اسىل ارمان" اۆتوكولىكتەر مەن جاياۋ جۇرگىنشىلەر ءۇشىن تولىعىمەن جابىلادى دەگەن ەسكەرتۋ اقپاراتىن تاراتقان.
حابارلامادا: "قۇرمەتتى قالا تۇرعىندارى! كوروناۆيرۋستىق ينفەكتسيانىڭ تارالۋىنا جول بەرمەۋ جانە قاۋىپسىزدىكتى ساقتاۋ ماقساتىندا ۋاكىلەتتى ورگاندار "اسىل ارماندى" كارانتيندى جابۋ تۋرالى شەشىم قابىلدادى. حالىقتى ازىق-تۇلىكپەن، ءبىرىنشى كەزەكتە قاجەتتى تاۋارلارمەن جانە مەديتسينالىق قىزمەتتەرمەن قامتاماسىز ەتۋ بويىنشا شارالار ازىرلەنۋدە.
جالپى پايدالانىلاتىن ورىنداردى الدىن الۋ جانە دەزينفەكتسيالاۋ جونىندەگى شارالار كۇشەيتىلەتىن بولادى. "اسىل ارماندا" تىرشىلىكتى قامتاماسىز ەتۋ نىساندارى ۇزدىكسىز جۇمىس ىستەيتىن بولادى.
سىزدەردەن سابىرلىق تانىتۋىڭىزدى سۇرايمىز. جۇمىس بەرۋشىلەرگە كارانتيندە ەكەنىڭىزدى ەسكەرتىڭىز. نەگىزگى شارالار ەرتەڭ ناقتىلاناتىن بولادى. ءوزىڭىزدى قورعاڭىز، ۇيىڭىزدە بولىڭىز", - دەلىنگەن.
"اسىل ارمان" تۇرعىن ءۇي كەشەنىندە 5 مىڭنان استام پاتەر بار. حالقىنىڭ 90 پايىزىنان استامى الماتى قالاسىندا جۇمىس ىستەيدى.
ايتا كەتەيىك، 28 ناۋرىزدا كارانتين ءبىر پودەزگە عانا ەنگىزىلگەن.
قازىرگى مالىمەت بويىنشا، "اسىل ارمان" تۇرعىن ءۇي كەشەنىندە كوروناۆيرۋس ينفەكتسياسىن جۇقتىرۋدىڭ ەكى فاكتىسى تىركەلدى. بۇل جولى COVID-19 61 جاستاعى تۇرعىننان انىقتالدى. العاشقى جۇقتىرۋشى 1995 جىلى تۋىلعان جۇكتى كەلىنشەكتەن انىقتالعان ەدى. كەلىنشەك قاراساي اۋداندىق اۋرۋحاناسىنا جىبەرىلگەن.
