Almaty oblysy, Qarasai audanyna qarasty 20 myŋnan astam halyq tūratyn"Asyl Arman" tūrǧyn üi keşenı tolyqtai karantinge jabyldy, dep habarlaidy "Adyrna" portalynyŋ tılşısı. "Asyl Arman" tūrǧyn üi keşenı Almaty qalasynyŋ däl ırgesınde ornalasqan.
Qazır tūrǧyn üi keşenınıŋ aumaǧy qorşauǧa alynǧan. Äskeri qyzmetşıler kezekke qoiylyp, tärtıptı qadaǧalauda.
Tūrǧyndardyŋ aituynşa, 20 myŋǧa juyq adam tūrǧyn üi jaǧdaiynda otyr. Basqaruşy kompaniia WhatsApp jelısımen "Asyl Arman" avtokölıkter men jaiau jürgınşıler üşın tolyǧymen jabylady degen eskertu aqparatyn taratqan.
Habarlamada: "Qūrmettı qala tūrǧyndary! Koronavirustyq infeksiianyŋ taraluyna jol bermeu jäne qauıpsızdıktı saqtau maqsatynda uäkılettı organdar "Asyl Armandy" karantindı jabu turaly şeşım qabyldady. Halyqty azyq-tülıkpen, bırınşı kezekte qajettı tauarlarmen jäne medisinalyq qyzmettermen qamtamasyz etu boiynşa şaralar äzırlenude.
Jalpy paidalanylatyn oryndardy aldyn alu jäne dezinfeksiialau jönındegı şaralar küşeitıletın bolady. "Asyl Armanda" tırşılıktı qamtamasyz etu nysandary üzdıksız jūmys ısteitın bolady.
Sızderden sabyrlyq tanytuyŋyzdy sūraimyz. Jūmys beruşılerge karantinde ekenıŋızdı eskertıŋız. Negızgı şaralar erteŋ naqtylanatyn bolady. Özıŋızdı qorǧaŋyz, üiıŋızde bolyŋyz", - delıngen.
"Asyl Arman" tūrǧyn üi keşenınde 5 myŋnan astam päter bar. Halqynyŋ 90 paiyzynan astamy Almaty qalasynda jūmys ısteidı.
Aita keteiık, 28 nauryzda karantin bır podezge ǧana engızılgen.
Qazırgı mälımet boiynşa, "Asyl Arman" tūrǧyn üi keşenınde koronavirus infeksiiasyn jūqtyrudyŋ ekı faktısı tırkeldı. Būl joly COVID-19 61 jastaǧy tūrǧynnan anyqtaldy. Alǧaşqy jūqtyruşy 1995 jyly tuylǧan jüktı kelınşekten anyqtalǧan edı. Kelınşek Qarasai audandyq auruhanasyna jıberılgen.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz