بۇگىن شىمكەنت قالاسىنىڭ اكىمى مۇرات ايتەنوۆ شاھاردا سالىنىپ جاتقان 200 ورىندىق اۋرۋحانا قۇرىلىسىمەن تانىستى.
توتەنشە جاعداي كەزىندە ناۋقاستاردى قابىلدايتىن گوسپيتال تەز قۇراستىرىلاتىن ماتەريالداردان تۇرعىزىلادى. وعان قاجەتتى قۇرىلىس زاتتارى تولىقتاي وتاندىق. 400-گە جۋىق جۇمىسشى جەرگىلىكتى جەردەن تارتىلعان.
قالا اكىمى كارانتين كەزىندە جۇمىسشىلاردى ارنايى اۆتوبۋسپەن تاسىمالداۋ، قاۋىپسىزدىك شارالارىن ساقتاۋ جانە اۋىر جۇك كولىكتەرىنىڭ تاۋلىك بويى قۇرىلىس زاتتارىن توقتاۋسىز جەتكىزۋ ماسەلەسىندە كەدەرگى بولماۋىن جاۋاپتىلارعا جۇكتەدى.
ارنايى اۋرۋحانا ستاتسيونار، جان ساقتاۋ سىندى بىرنەشە بولىكتەن تۇرادى. جانە وندا مەديتسينا قىزمەتكەرلەرى جاتىپ جۇمىس ىستەيتىن جاي سالىنىپ، وعان قاجەتتى ماماندار ىرىكتەلىپ الىنادى.
بۇل رەتتە ۋاقىتشا اۋرۋحانانىڭ جابدىقتالۋى مەن سانيتارلىق-ەپيدەميولوگيالىق جاعدايى بەلگىلەنگەن نورماتيۆتەرگە تولىق ساي بولادى.
مۇنداعى بۇكىل ۇيىمداستىرۋ جۇمىستارىن شىمكەنت قالالىق جۇقپالى اۋرۋلار اۋرۋحاناسى ۇيلەستىرەتىن بولادى.
اتالعان گوسپيتالدىڭ قالا اۋماعىندا سالىنۋى ينفەكتسيالىق اۋرۋلاردىڭ الدىن الۋدى جاقسارتاتىن بولادى.
