«استانا» فۋتبولشىلاردىڭ جالاقىسىن زاڭسىز تۇردە ەكى ەسەگە قىسقارتقان

3952
Adyrna.kz Telegram

حالىقارالىق كاسىبي فۋتبولشىلار قاۋىمداستىعى (FIF Pro) «استانا» فۋتبول كلۋبى باسشىلىعىنان ويىنشىلاردىڭ جالاقىسىن تومەندەتۋگە قاتىستى تۇسىنىكتەمە تالاپ ەتتى. بۇل تۋرالى "ادىرنا"  Prosports.kz -كە سىلتەمە جاساپ حابارلايدى.

«استانا» فك باس ديرەكتورى ميحايل گۋرمان FIFA Pro جانە FIFA-مەن جاسالعان كەلىسىمگە سىلتەمە جاساي وتىرىپ، COVID-19 ۆيرۋسىنىڭ پاندەمياسىنا قاتىستى قازاقستان چەمپيوناتىنىڭ ءۇزىلىس الۋىنا بايلانىستى ويىنشىلاردىڭ جالاقىسىن 50 پايىزعا تومەندەتكەنى بەلگىلى بولدى.

قازاقستان فۋتبولشىلارىنىڭ قاۋىمداستىعى جوعارىداعى ەكى ۇيىمنان تۇسىنىكتەمە العان، ولار گۋرمانمەن ەشقانداي كەلىسىمگە كەلمەگەنىن ايتقان. FIF Pro ۇيىمنىڭ جارعىسىندا فورس-ماجور جاعدايلارىنا قاتىستى ەرەجەلەر جوق جانە كەلىسىم-شارتتار تولىعىمەن ورىندالۋى كەرەك دەپ مالىمدەدى. جالاقىنى تومەندەتۋ تەك ويىنشىلاردىڭ كەلىسىمىمەن جۇزەگە اسىرىلۋى مۇمكىن. گۋرمانعا وسى جاعدايعا بايلانىستى تۇسىنىكتەمە بەرۋ تۋرالى حات جىبەرىلدى.

2 ساۋىردە «استانا» باسشىلىعى تەحنيكالىق قىزمەت كورسەتەتىن قىزمەتكەرلەردىڭ جالاقىسىن 30% تومەندەتكەن. ويىنشىلارعا ءساۋىر ايىنداعى جالاقىنى ءوز ەركىمەن 50 پايىزعا تومەندەتۋ ۇسىنىلدى، ويتكەنى فۋتبولشىلاردىڭ كەلىسىمشارتتارىنىڭ ەرەكشەلىكتەرى جالاقىنى ءبىر جاقتى تومەندەتۋگە مۇمكىندىك بەرمەيدى.

پىكىرلەر