«Astana» futbolşylardyŋ jalaqysyn zaŋsyz türde ekı esege qysqartqan

Halyqaralyq käsıbi futbolşylar qauymdastyǧy (FIF Pro) «Astana» futbol kluby basşylyǧynan oiynşylardyŋ jalaqysyn tömendetuge qatysty tüsınıkteme talap ettı. Būl turaly "Adyrna"  Prosports.kz -ke sılteme jasap habarlaidy. «Astana» FK bas direktory Mihail Gurman FIFA Pro jäne FIFA-men jasalǧan kelısımge sılteme jasai otyryp, COVID-19 virusynyŋ pandemiiasyna qatysty Qazaqstan chempionatynyŋ üzılıs aluyna bailanysty oiynşylardyŋ jalaqysyn 50 paiyzǧa tömendetkenı belgılı boldy. Qazaqstan futbolşylarynyŋ qauymdastyǧy joǧarydaǧy ekı ūiymnan tüsınıkteme alǧan, olar Gurmanmen eşqandai kelısımge kelmegenın aitqan. FIF Pro ūiymnyŋ jarǧysynda fors-major jaǧdailaryna qatysty erejeler joq jäne kelısım-şarttar tolyǧymen oryndaluy kerek dep mälımdedı. Jalaqyny tömendetu tek oiynşylardyŋ kelısımımen jüzege asyryluy mümkın. Gurmanǧa osy jaǧdaiǧa bailanysty tüsınıkteme beru turaly hat jıberıldı. 2 säuırde «Astana» basşylyǧy tehnikalyq qyzmet körsetetın qyzmetkerlerdıŋ jalaqysyn 30% tömendetken. Oiynşylarǧa säuır aiyndaǧy jalaqyny öz erkımen 50 paiyzǧa tömendetu ūsynyldy, öitkenı futbolşylardyŋ kelısımşarttarynyŋ erekşelıkterı jalaqyny bır jaqty tömendetuge mümkındık bermeidı.