شىمكەنت قالاسى ءال-فارابي اۋدانى اۋماعىندا ورنالاسقان «ساۋلە»، «زابادام»، «حيمفارم» شاعىناۋداندارىندا دەزينفەكتسيالاۋ جۇمىستارى جۇرگىزىلۋدە. زالالسىزداندىرۋ جۇمىستارىن بەكىتىلگەن كەستەگە سايكەس ارنايى ماماندار اتقارىپ جاتىر.
جۇمىلدىرىلعان ازاماتتار ارنايى تەحنيكامەن، قورعاۋشى كوستيۋم جانە ارنايى شاشۋشى قۇرالدارمەن قامتاماسىز ەتىلگەن. اتالعان جۇمىستار كەستەگە سايكەس، كۇندەلىكتى جالعاسادى.
سونداي-اق، اۋدان اۋماعىندا ورنالاسقان ەكىنشى دەرەجەلى بانك بولىمشەلەرى مەن بانكوماتتاردىڭ جانىندا تۇرعىنداردىڭ ساقتىق شارالارىن ساقتاۋ ماقساتىندا دەزينفەكتسيا جۇمىستارى جۇرگىزىلدى. بۇل تۇرعىنداردىڭ قاۋىپسىزدىگىن ساقتاۋ ءۇشىن جاسالۋدا.
جالپى اۋدان اۋماعىندا جالپى 672 كوپقاباتتى تۇرعىن ءۇي، 2 244 كىرەبەرىس الاڭى جانە 400 ويىن الاڭى بار. قازىرگى تاڭدا كوپقاباتتى تۇرعىن ۇيلەردىڭ اۋلالارىنا، كىرەبەرىستەرىنە جانە باستى كوشەلەر مەن ىشكى ورامدىق كوشەلەرگە زالالسىزداندىرۋ جۇمىستارى جالعاسۋدا.
وسى ورايدا، اۋدان تۇرعىندارى تاراپىنان دەزينفەكتسيا جۇمىستارى بويىنشا قوسىمشا سۇراقتار بولسا، شۇعىل اۋدان اكىمى اپپاراتىنىڭ 54-96-54 كەزەكشى تەلەفونىنا حابارلاسۋ كەرەكتىگىن حابارلايدى. سونداي-اق الەۋمەتتىك جەلىدەگى alfarabi.shymkent (ينستاگرام پاراقشاسى) جانە ءال-فارابي اۋدانى اكىمىنىڭ اپپاراتى (فەيسبۋك پاراقشاسى) پاراقشالارى ارقىلى تۇرعىندار وتىنىشتەرى مەن پىكىرلەرىن بىلدىرە الادى.
شىمكەنت قالاسى توتەنشە جاعداي جونىندەگى شتابى
