قازاقستان! جاراستىعىمىزدىڭ دا، جاقسىلىعىمىزدىڭ دا، تىنىشتىعىمىزدىڭ دا قياسى، ماحابباتىمىزدىڭ ۇياسى - قازاقستان! تالاي-تالاي قاس باتىرلار جانىن قيىپ، قاسىق قانى قالعانشا كۇرەسكەن، تالاي نازىك جاندى ارۋلارىمىز قۇربان بولعان، تالاي وزەك ورتەر زارداپتار مەن كوزگە ەرىكسىز جاس ۇيالاتار قۋانىشتى ساتتەردىڭ كۋاسى بولعان وتانىمىز - قازاقستان!
قازاقستان - كەڭ بايىرلى، كوپ ۇلتتى، بارشاعا قۇشاعىن جايا اشقان، بەيبىت، تاۋەلسىز مەملەكەت. ءبىزدىڭ عالامات جەرىمىزدە سان ءداۋىردىڭ سارابدال شەجىرەسى جاتىر. ءبىزدىڭ جەرىمىزدە نە بولمادى دەسەڭىزشى؟! ءبىزدىڭ حالقىمىز نە كورمەدى؟! ءبىزدىڭ ەلىمىز ۇلت بولىپ، مەملەكەت بولىپ، كوك تۋىمىز اشىق اسپاندا جەلبىرەپ، ءانۇرانىمىز شارىقتاي ايتىلىپ، تاۋەلسىز ەل بولىپ قالىپتاسقانىمىز قازاق ۇلتىنىڭ، حالقىنىڭ جەمىسى. ەلباسىمىز ن.ءا.نازارباەۆتىڭ: «بۇگىنگى ءبىزدىڭ تاۋەلسىزدىگىمىزدىڭ قاينار كوزى قازاق حالقىنىڭ سان عاسىرلار بويى كۇرەسىندە، ازاتتىققا ۇمتىلعان قايسارلىعىندا جاتىر» دەگەن ءسوزى بار. وسى ۋاقىتقا دەيىنگى جەرىمىزدە بولعان وقيعالاردى ساتىلاپ ايتار بولساق، شەگىنە جەتە الماسپىز، ءسىرا. حالقىمىزدىڭ ورلىگى مەن ەرلىگى ءبىزدىڭ ۇلان عايىر جەرىمىزدى بۇگىنگى ۇرپاققا، بىزگە، جەتكىزدى. قايسار دا باتىر حالقىمىز بىزگە وسىناۋ بەيبىت زاماندى تارتۋ ەتتى.
مەن شەكسىز، شەتسىز، اسىل دۇنيەلەرگە باي، كيەلى دە شىرايلى جەرىم ءۇشىن، قايسار، باتىر، باتىل، رۋحاني قازىناعا باي ەلىم ءۇشىن قازىردەن-اق ەڭبەك ەتۋگە دايىنمىن! قازىرگى تاڭدا قازاقستان ءتۇرلى سالادا قارىشتاپ دامۋ ۇستىندە. مادەنيەتىمىز ءوسىپ، تاريحىمىز تازالانىپ، سوزدىك قورىمىز مولايىپ، جىلدان جىلعا كوركەيىپ، وركەندەپ كەلەمىز. ەلباسىمىز بەن پرەزيدەنتىمىزدىڭ باستاۋىمەن ءبىز ءالى دە بيىك بەلەستەردى باعىندىراتىنىمىزعا مەن كامىل سەنەمىن!
جاس ۇرپاق، بىزگە ارتىلعان سەنىم مەن ءۇمىت مول. ەلىمىزدىڭ كەز-كەلگەن ازاماتى ەلىن سۇيسە، ەلدىڭ دامۋىنا ارقايسىسى وزىنشە ۇلەس قوسسا، ەلىمىز الەمگە تانىلىپ، جاھاندانۋ داۋىرىندەگى الپاۋىت مەملەكەت بولارىمىز حاق. وزىمىزگە ارتىلعان سەنىم مەن ءۇمىتتى ابىرويلى اتقارىپ شىعۋىمىزعا تىلەكتەسپىن، جاس دوس!
قارايلاپ كوك اسپانعا جارقىراعان
جەر بەتىندە كوزدەرىنەن جاس تامعان
وسىناۋ قيىن كەزدەن ساپارلاتىپ
جەتتى-اۋ حالقىم، تاۋەلسىزدىك باستى ارمان.
قيىندىق، بوسىپ كەتۋ بولدى زامان،
حالقىمىز ارايلاعان تاڭدى اڭساعان.
ەرلىك پەن ەلدىكتى ساقتاۋ ءۇشىن
تالاي قازاق بۇل جولدا بولدى قۇربان.
ەلىمنىڭ ءنارى بولدى، كوزى بولدى
ەلتاڭباسى، ءوزىنىڭ تۋى بولدى.
تەبىرەنە تولقىتىپ شىرقالاتىن
ءانۇرانى قاشاندا بيىك بولدى.
تاۋەلسىزدىك- ەلىمنىڭ ەرلىك جولى،
بابامنىڭ سالىپ كەتكەن تەڭدىك جولى.
قاستەرلەپ، قاسيەتتەۋ بۇل ۇعىمدى
بىزدەگى باستى مىندەت، سەنىم جولى.
مەنىڭ حالقىم ەرجۇرەك، قايسار، باتىر،
قانىما سىنگەن مەنىڭ ءار جاحۇتى.
ءار ءسوزى كول كوسىر بولسا ناقىل
ورنى تولماس جاس ۇرپاقتىڭ باقىتى.
مەن ەلىمدى، جەرىمدى، حالقىمدى ، ءتىلىمدى سۇيەمىن. ەڭ باستىسى قازاقستان دەپ سوققان جۇرەگىمدى سۇيەمىن!
ميلەنا كامەلوۆا،
ءال فارابي اتىنداعى قازۇۋ فيلولوگيا جانە الەم تىلدەرى فاكۋلتەتىنىڭ ستۋدەنتى
عىلىمي جوبا جەتەكشىسى ف.قوزىباقوۆا،
ءال-فارابي اتىنداعى قازاق ۇلتتىق ۋنيۆەرسيتەتى تاريح جانە ارحەولوگيا، ەتنولوگيا فاكۋلتەتىنىڭ قازاقستان تاريحى كافەدراسىنىڭ پروفەسسورى.
