Qazaqstan! Jarastyǧymyzdyŋ da, jaqsylyǧymyzdyŋ da, tynyştyǧymyzdyŋ da qiiasy, mahabbatymyzdyŋ ūiasy - Qazaqstan! Talai-talai qas batyrlar janyn qiyp, qasyq qany qalǧanşa küresken, talai näzık jandy arularymyz qūrban bolǧan, talai özek örter zardaptar men közge erıksız jas ūialatar quanyşty sätterdıŋ kuäsı bolǧan Otanymyz - Qazaqstan!
Qazaqstan - keŋ baiyrly, köp ūltty, barşaǧa qūşaǧyn jaia aşqan, beibıt, täuelsız memleket. Bızdıŋ ǧalamat jerımızde san däuırdıŋ sarabdal şejıresı jatyr. Bızdıŋ jerımızde ne bolmady deseŋızşı?! Bızdıŋ halqymyz ne körmedı?! Bızdıŋ elımız ūlt bolyp, memleket bolyp, kök tuymyz aşyq aspanda jelbırep, änūranymyz şaryqtai aitylyp, täuelsız el bolyp qalyptasqanymyz Qazaq Ūltynyŋ, Halqynyŋ jemısı. Elbasymyz N.Ä.Nazarbaevtyŋ: «Bügıngı bızdıŋ täuelsızdıgımızdıŋ qainar közı qazaq halqynyŋ san ǧasyrlar boiy küresınde, azattyqqa ūmtylǧan qaisarlyǧynda jatyr» degen sözı bar. Osy uaqytqa deiıngı jerımızde bolǧan oqiǧalardy satylap aitar bolsaq, şegıne jete almaspyz, sırä. Halqymyzdyŋ örlıgı men erlıgı bızdıŋ ūlan ǧaiyr jerımızdı bügıngı ūrpaqqa, bızge, jetkızdı. Qaisar da batyr halqymyz bızge osynau beibıt zamandy tartu ettı.
Men şeksız, şetsız, asyl dünielerge bai, kielı de şyraily jerım üşın, qaisar, batyr, batyl, ruhani qazynaǧa bai elım üşın qazırden-aq eŋbek etuge daiynmyn! Qazırgı taŋda Qazaqstan türlı salada qaryştap damu üstınde. Mädenietımız ösıp, tarihymyz tazalanyp, sözdık qorymyz molaiyp, jyldan jylǧa körkeiıp, örkendep kelemız. Elbasymyz ben Prezidentımızdıŋ bastauymen bız älı de biık belesterdı baǧyndyratynymyzǧa men kämıl senemın!
Jas ūrpaq, bızge artylǧan senım men ümıt mol. Elımızdıŋ kez-kelgen azamaty elın süise, eldıŋ damuyna ärqaisysy özınşe üles qossa, elımız älemge tanylyp, jahandanu däuırındegı alpauyt memleket bolarymyz haq. Özımızge artylǧan senım men ümıttı abyroily atqaryp şyǧuymyzǧa tılektespın, jas dos!
Qarailap kök aspanǧa jarqyraǧan
Jer betınde közderınen jas tamǧan
Osynau qiyn kezden saparlatyp
Jettı-au halqym, Täuelsızdık basty arman.
Qiyndyq, bosyp ketu boldy zaman,
Halqymyz arailaǧan taŋdy aŋsaǧan.
Erlık pen eldıktı saqtau üşın
Talai qazaq būl jolda boldy qūrban.
Elımnıŋ närı boldy, közı boldy
Eltaŋbasy, özınıŋ tuy boldy.
Tebırene tolqytyp şyrqalatyn
Änūrany qaşanda biık boldy.
Täuelsızdık- elımnıŋ erlık joly,
Babamnyŋ salyp ketken teŋdık joly.
Qasterlep, qasietteu būl ūǧymdy
Bızdegı basty mındet, senım joly.
Menıŋ halqym erjürek, qaisar, batyr,
Qanyma sıngen menıŋ är jahūty.
Är sözı köl kösır bolsa naqyl
Orny tolmas jas ūrpaqtyŋ baqyty.
Men elımdı, jerımdı, halqymdy , tılımdı süiemın. Eŋ bastysy Qazaqstan dep soqqan jüregımdı süiemın!
Milena Kamelova,
Äl Farabi atyndaǧy QazŪU Filologiia jäne älem tılderı fakultetınıŋ studentı
ǧylymi joba jetekşısı F.Qozybaqova,
Äl-Farabi atyndaǧy Qazaq ūlttyq universitetı tarih jäne arheologiia, etnologiia fakultetınıŋ Qazaqstan tarihy kafedrasynyŋ professory.
