باستى بەت
جاڭالىقتار
42 500 تەڭگە العانى ءۇشىن ەشكىم جاۋاپقا تارتىلمايدى

42 500 تەڭگە العانى ءۇشىن ەشكىم جاۋاپقا تارتىلمايدى

20.04.2020

3371

https://adyrna.kz/content/uploads/2020/04/tenge.jpg

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 42 500 تەڭگە العان قازاقستاندىقتىڭ بىردە بىرەۋى جاۋاپكەرشىلىككە تارتىلمايتىنىن مالىمدەدى، - دەپ حابارلايدى "ادىرنا"

"42 500 تەڭگە العان بىردە-ءبىر ادام، ءتىپتى ول قاتەلەسكەن بولسىن قىلمىستىق جاۋاپقا تارتىلمايدى. وسىمەن وسى ماسەلەگە نۇكتە قويايىق. ءبىز ەشكىمدى تەكسەرمەيمىز، بۇل الەۋمەتتىك تولەم. ءۇي-ءۇيدى ارالاپ، تەكسەرىس جاسامايمىز. ۋايىمداماڭىزدار، سىزگە بەرىلسە، الىڭىز، جۇمساڭىز. تەكسەرسە، ءبىزدى تەكسەرەدى", - دەدى مينيستر نۇر-سۇلتاندا وتكەن ونلاين بريفينگتە.

42 500 تەڭگەنى الۋ ماسەلەسى قوعامدا ۇلكەن شۋ تۋعىزعان بولاتىن.  وسىنىڭ الدىندا تاپسىرىلعان وتىنىشتەردىڭ زاڭدىق تۇرعىدان دۇرىس، بۇرىستىعى تەكسەرىلەتىنى دە ايتىلعان بولاتىن. بۇگىن مينيستر بارلىعىنا نۇكتە قويدى.