فۋتبولشى سامير ناسري جوعالىپ كەتتى

3184
Adyrna.kz Telegram

بەلگيانىڭ «اندەرلەحت» فۋتبول كلۋبىنىڭ جارتىلاي قورعاۋشىسى، فرانتسۋز سامير ناسري ءباا-دە كوروناۆيرۋستىق پاندەميا كەزىندە جوعالىپ كەتتى، - دەپ حابارلايدى الەمدىك باق.

باسىلىمنىڭ مالىمەتىنشە، بەلگيانىڭ «اندەرلەحت» فۋتبول كلۋبىنىڭ 32 جاستاعى فۋتبولشىسى سامير ناسري ءباا-گە ناۋرىزدىڭ سوڭىندا، ونىڭ كومانداسى كارانتينگە كەتكەن كەزدە بارعان. سول ۋاقىتتان بەرى ول بايلانىسقا شىقپاعان، سونىمەن قاتار الەۋمەتتىك جەلىلەردە فوتولار مەن جازبالار جاريالاۋدى توقتاتتى.

1 ساۋىردە ءوزىنىڭ ينستاگرام پاراقشاسىنداعى سوڭعى جازباسىندا "مارسەل" فۋتبول كلۋبىنىڭ بۇرىنعى پرەزيدەنتى پاپ ديۋفتىڭ كوروناۆيرۋستان  قايتىس بولۋىنا بايلانىستى كوڭىل ايتقان.

«اندەرلەحت» جاتتىقتىرۋشىلار قۇرامى بارلىق ويىنشىلارعا وزدەرىنىڭ ءىس ارەكەتتەرى تۋرالى باسشىلىقتى حاباردار ەتۋدى، سونىمەن قاتار جاتتىعۋلار تۋرالى ەسەپتەردى ارنايى قوسىمشالارعا جىبەرۋدى مىندەتتەگەنى اتاپ وتىلگەن. ناسري بۇل ەرەجەنى ساقتاماعان جالعىز بريۋسسەلدىك ويىنشى بولدى.

سامير ناسري «اندەرلەحتكە» 2019 جىلدىڭ جازىندا اعىلشىندىق «ۆەست حەمنەن»  ەركىن اگەنت رەتىندە قوسىلدى. فرانتسۋز فۋتبولشىسىنىڭ مانسابىنداعى ەڭ تانىمال كلۋبتار "مانچەستەر سيتي" مەن "ارسەنال" بولدى. فرانتسيا  ۇلتتىق قۇراماسىنىڭ ساپىندا ول الاڭعا 41 رەت شىققان.

 

پىكىرلەر