ا.ەسماعامبەتوۆا: كوروناۆيرۋس جۇقتىرۋشىلار 5 300-گە جەتەدى

باس سانيتار ايجان ەسماعامبەتوۆا مامىردىڭ اياعىنا دەيىن  كوروناۆيرۋس جۇقتىرعانداردىڭ سانى 5 300-گە جەتەدى دەدى. "جالپى قازاقستان بويىنشا ءساۋىر ايىنىڭ سوڭىنا دەيىن 3400 جاعداي تىركەلەدى دەپ بولجاپ وتىرمىز. ال مامىر ايىنىڭ سوڭىنا دەيىن 5 300 ناۋقاس بولۋى مۇمكىن. وسىعان دەيىن ايتقانىمداي جاعدايلاردىڭ كوبى سىرتتان كەلگەندەردەن تىركەلىپ جاتىر. سوڭعى ەكى اپتادا ونداي 200 جاعداي تىركەلدى. بۇل كورسەتكىش سىرتقى قاۋىپتى بىلدىرەدى، بىراق ىشكى ەمەس", - دەدى باس سانيتار . ايجان ەسماعامبەتوۆا بۇعان دەيىن ىندەت جۇقتىرۋشىلار  4 000-عا جەتۋى مۇمكىن ەكەندىگىن  ايتقان   ەدى. قازىرگى ەپيدەميولوگيالىق جاعداي بويىنشا كوروناۆيرۋس ينفەكتسياسىن جۇقتىرعان تاعى 27 ادام تىركەلدى. قازىرگى ۋاقىتتاعى دەرەك: نۇر-سۇلتان قالاسى بويىنشا 616 ادام، الماتى قالاسىندا – 927, شىمكەنت قالاسىندا – 189, اقمولا وبلىسىندا – 98, اقتوبە وبلىسىندا – 65, الماتى وبلىسىندا – 122, اتىراۋ وبلىسىندا – 131, شىعىس قازاقستان وبلىسىندا – 17, جامبىل وبلىسىندا – 116, باتىس قازاقستان وبلىسىندا – 130, قاراعاندى وبلىسىندا – 142, قوستاناي وبلىسىندا – 45, قىزىلوردا وبلىسىندا – 187, ماڭعىستاۋ وبلىسىندا – 45, پاۆلودار وبلىسىندا – 122, سولتۇستىك قازاقستان وبلىسىندا – 30, تۇركىستان وبلىسىندا – 124, جالپى 3105 ناۋقاس تىركەلدى.