اقش ايدان پايدالى قازبالار ءوندىرۋ جونىندە حالىقارالىق كەلىسىم ازىرلەپ جاتىر. وعان قاتىساتىن تىزىمدە رەسەي جوق دەپ حابارلايدى Reuters اگەنتتىگىنىڭ دەرەككوزى.
قۇجات "ارتەميدا كەلىسىمى" (Artemis Accords) دەپ اتالادى. كەلىسىم ايدا پايدالى قازبالار وندىرەتىن "قاۋىپسىز ايماق" قۇرۋدى كوزدەيدى.
كەلىسىم سونىمەن بىرگە ايدا وندىرىلگەن كەننىڭ مەنشىك يەسىن انىقتايتىن قۇقىقتىق بازا ازىرلەۋگە مۇمكىندىك بەرىلەدى.
ترامپ اكىمشىلىگىندەگى جوعارى لاۋازىمدى شەنەۋنىكتىڭ Reuters اگەنتتىگىنە حابارلاعانداي، اقش بۇل كەلىسىمدى وزدەرى ازىرلەۋدى شەشكەن. سەبەبى بۇۇ-دا ايدى يگەرۋ وتە ۇزاققا سوزىلادى دەپ ەسەپتەگەن. ويتكەنى وندا عارىشتى يگەرۋگە قاتىسى جوق ەلدەر دە بار دەپ تاپقان. جاقىن ۋاقىتتا اقش ارىپتەس ەلدەرگە كەلىسىم مازمۇنىمەن تانىستىرماق. ولاردىڭ ىشىندە كانادا، جاپونيا، بىرىككە اراب امىرلىگى جانە ەۋروپا ەلدەرى بار. NASA-نىڭ باس ارىپتەسى رەسەيدى بۇل جوباعا تارتپاۋدى شەشكەن.
6 ساۋىردە اقش پرەزيدەنتى دونالد ترامپ قۇراما شتاتتارعا ايدى، مارستى جانە وزگە دە اسپان دەنەلەرىن كوممەرتسيالىق ماقساتتا يگەرۋگە مۇمكىندىك بەرەتىن جارلىققا قول قويدى.
"روسكوسموس" مۇنى "عارىش كەڭىستىگىن ەكسپروپرياتسيالاۋ" جانە "وزگە پلانەتانىڭ اۋماعىن باسىپ الۋداعى اگرەسسيۆتى جوسپار" دەپ اتاعان.
1979 جىلى بۇۇ-نىڭ باس اسسامبلەياسى قابىلداعان "اي جانە وزگە دە اسپان دەنەلەرىندەگى مەملەكەتتەردىڭ ءىس-ارەكەتى جونىندەگى" كەلىسىمدە ايعا بارلىق ادامزاتتىڭ ورتاق يگىلىگى دەگەن مارتەبە بەرىلگەن.
قۇجاتتى 18 ەل بەكىتكەن. بىراق اراسىندا اقش پەن رەسەي جوق.
sentralasian.org
