كوروناۆيرۋس ىندەتى جاھاندىق پاندەمياعا اينالدى. قازاقستان دا وسى اپاتتىڭ زارداپتارىن باستان كەشۋدە. قازىرگى جاعدايدا ءاربىر قازاقستاندىق مەملەكەتتىڭ ىندەتپەن كۇرەسۋ، الدىن الۋ ءىس-ارەكەتتەرىن قولداۋى قاجەت.
توتەنشە جاعدايلاردا راديونىڭ اقپارات تاراتۋ مەن تۇرعىنداردى اپاتتان قۇتقارۋنە ساقتاندىرۋداعى ورنى ەرەكشە. 100 جىلدىق تاريحى بار راديو ەلدەگى ەڭ ءىرى حابار تاراتۋ جەلىسى. مۇنى حالىقتىڭ 90% -دان استامى، سونىمەن قاتار رەسەي، قىتاي، قىرعىزستان جانە وزبەكستاننىڭ شەكارالاس ايماقتارىنىڭ تۇرعىندارى تىڭدايدى. سوندىقتان، قازاق راديوسى ەفيرىنەن تاراعان ءار اقپارات تىڭدارمانداردىڭ كوڭىلىنە جاقىن، سەنىمىنە بەرىك.
يۋنەسكو جالعان اقپاراتپەن كۇرەسۋ باستاماسىن قولداۋعا شاقىرادى. يۋنەسكو بۇگىندە ۆيرۋستىڭ تارالۋىنىڭ الدىن-الۋ، قورعاۋ، جالعان اقپاراتقا قارسى تۇرۋ ءۇشىن الەمدەگى راديوستانتسيالاردى جۇمىلدىردى. COVID-19 ۆيرۋسىنىڭ تارالۋىنىڭ الدىن الۋ جالعان اقپاراتقا قارسى تۇرۋ – باستى اقپارات بولىپ وتىر.
COVID-19 تۋرالى جالعان اقپاراتقا قارسى تۇرۋ جانە سالاۋاتتى ءومىر سالتىن ناسيحاتتاۋ ماقساتىندا يۋنەسكو الەمنىڭ تۇكپىر-تۇكپىرىندەگى راديوستانتسيالار ەركىن پايدالانا الاتىن بىرقاتار اۋديو حابارلامالاردى شىعاردى. يۋنەسكو بۇل رەسۋرستاردى ۆيرۋسپەن بىرگە سەنىمدى ەمەس اقپاراتتىڭ زياندى سالدارىنىڭ الدىن الۋ ءۇشىن ۇسىندى. قىسقا اۋديو حابارلامالار ىندەتتىڭ الدىن الۋ شارالارى تۋرالى پايدالى اقپارات بەرەدى، ۆيرۋس تۋرالى اڭىزداردى تاراتپاۋ، ىنتىماقتاستىقتىڭ ماڭىزدىلىعىن كورسەتەدى. بۇل حابارلامالار تەك اعىلشىن، فرانتسۋز، يسپان جانە اراب تىلدەرىندە تاراتىلاتىن بولسا، قازىر ولار قازاق تىلىندە تىڭدارمانىنا جول تاپتى.
دىبىستىق كليپتى ءال-فارابي اتىنداعى قازۇۋ جۋرناليستيكا كافەدراسىنىڭ ءباسپاسوز جانە ەلەكتروندى باق كافەدراسىنىڭ شىعارماشىلىق توبى دايىندادى. قازاق تىلىنە پروفەسسور گۇلميرا سۇلتانباەۆا، ورىس تىلىنە PhD دوكتورانت ايتولقىن اشيموۆا اۋداردى. دىبىستاعان PhD دوكتورى زارينا بۋەنباەۆا. دىبىسقا جاۋاپتى ساۋند سوۆەتحان قوڭىرباەۆ («قازاق راديوسى» الماتى ستۋدياسى).
اۋديو حابارلامالار كەز-كەلگەن تىڭداۋشىعا قول جەتىمدى. ولار تەگىن جۇكتەلەدى جانە الەمنىڭ ءار تۇكپىرىندەگى مەملەكەتتىك، جەكە جانە قوعامدىق راديوستانتسيالار ەفيرگە تاراتا الادى. «قازاق راديوسى» - شىنايى جانە وبەكتيۆتى اقپارات تاراتۋعا شاقىرادى.
«قازاق راديولارى» جشس
