Koronavirus ındetı jahandyq pandemiiaǧa ainaldy. Qazaqstan da osy apattyŋ zardaptaryn bastan keşude. Qazırgı jaǧdaida ärbır qazaqstandyq memlekettıŋ ındetpen küresu, aldyn alu ıs-äreketterın qoldauy qajet.
Tötenşe jaǧdailarda radionyŋ aqparat taratu men tūrǧyndardy apattan qūtqarune saqtandyrudaǧy orny erekşe. 100 jyldyq tarihy bar radio eldegı eŋ ırı habar taratu jelısı. Mūny halyqtyŋ 90% -dan astamy, sonymen qatar Resei, Qytai, Qyrǧyzstan jäne Özbekstannyŋ şekaralas aimaqtarynyŋ tūrǧyndary tyŋdaidy. Sondyqtan, qazaq radiosy efirınen taraǧan är aqparat tyŋdarmandardyŋ köŋılıne jaqyn, senımıne berık.
IýNESKO jalǧan aqparatpen küresu bastamasyn qoldauǧa şaqyrady. IýNESKO bügınde virustyŋ taraluynyŋ aldyn-alu, qorǧau, jalǧan aqparatqa qarsy tūru üşın älemdegı radiostansiialardy jūmyldyrdy. COVID-19 virusynyŋ taraluynyŋ aldyn alu jalǧan aqparatqa qarsy tūru – basty aqparat bolyp otyr.
COVID-19 turaly jalǧan aqparatqa qarsy tūru jäne salauatty ömır saltyn nasihattau maqsatynda IýNESKO älemnıŋ tükpır-tükpırındegı radiostansiialar erkın paidalana alatyn bırqatar audio habarlamalardy şyǧardy. IýNESKO būl resurstardy viruspen bırge senımdı emes aqparattyŋ ziiandy saldarynyŋ aldyn alu üşın ūsyndy. Qysqa audio habarlamalar ındettıŋ aldyn alu şaralary turaly paidaly aqparat beredı, virus turaly aŋyzdardy taratpau, yntymaqtastyqtyŋ maŋyzdylyǧyn körsetedı. Būl habarlamalar tek aǧylşyn, fransuz, ispan jäne arab tılderınde taratylatyn bolsa, qazır olar qazaq tılınde tyŋdarmanyna jol tapty.
Dybystyq kliptı äl-Farabi atyndaǧy QazŪU jurnalistika kafedrasynyŋ baspasöz jäne elektrondy BAQ kafedrasynyŋ şyǧarmaşylyq toby daiyndady. Qazaq tılıne professor Gülmira Sūltanbaeva, orys tılıne PhD doktorant Aitolqyn Aşimova audardy. Dybystaǧan PhD doktory Zarina Buenbaeva. Dybysqa jauapty saund Sovethan Qoŋyrbaev («Qazaq radiosy» Almaty studiiasy).
Audio habarlamalar kez-kelgen tyŋdauşyǧa qol jetımdı. Olar tegın jükteledı jäne älemnıŋ är tükpırındegı memlekettık, jeke jäne qoǧamdyq radiostansiialar efirge tarata alady. «Qazaq radiosy» - şynaiy jäne obektivtı aqparat taratuǧa şaqyrady.
«Qazaq radiolary» JŞS
