"الەۋمەتتىك جەلىلەردە 6 تريلليون تەڭگە قايدا جۇمسالعانى تۋرالى پىكىرلەر تاراپ كەتتى. نەگىزگى ساۋال: ەكى ايدىڭ ىشىندە قوماقتى قارجى قالاي جۇمسالدى؟ وكىنىشكە قاراي، ازىرشە ۇكىمەت تاراپىنان رەسمي حابار جوق، بىراق مەن ءتۇسىندىرىپ كورەيىن", - دەيدى قۇدايبەرگەنوۆ Facebook جەلىسىندەگى پاراقشاسىندا.
1. "جۇمىسپەن قامتۋدىڭ جول كارتاسى" باعدارلاماسىن جۇزەگە اسىرۋعا ءبىر تريلليون تەڭگە جوسپارلانعان، ونىڭ 700 ميلليارد تەڭگەسى اكىمدىكتەر وبليگاتسيالاردى شىعارۋ ارقىلى وزدەرى تارتادى، ال قالعان 300 ميلليارد تەڭگە رەسپۋبليكالىق بيۋدجەتتەن بولىنەدى. نەگىزىنەن قۇرىلىس جانە ينفراقۇرىلىمدى جاڭارتۋ سالاسىندا جەتى مىڭ جوبا جۇزەگە اسىرىلادى دەپ كۇتىلەدى. مەملەكەتتىك قاراجات ءساۋىر ايىنان جەلتوقسان ايىنا دەيىن يگەرىلەدى، بىراق نەگىزگى تولەمدەر قىركۇيەك-جەلتوقسان ايلارىندا جۇرگىزىلەدى.
2. تاعى ءبىر تريلليون تەڭگە شوب-ءتى جىلىنا التى پايىزبەن نەسيەلەۋگە ءبولىندى. بيزنەس سۋبەكتىلەرىنىڭ نەسيەلەرى بويىنشا مولشەرلەمەنى سۋبسيديالاۋعا بيۋدجەتتەن تاعى 75 ميلليارد تەڭگە ءبولىندى.
3. "بايتەرەك" مەملەكەتتىك حولدينگى ارقىلى تۇرعىن ءۇي قۇرىلىسىنا 390 ميلليارد تەڭگە ءبولىندى.
4. سۋبسيديا 60 ميلليارد تەڭگەگە ۇلعايتىلدى جانە فورۆاردتىق ساتىپ الۋعا 23 ميلليارد تەڭگە ءبولىندى. سونداي-اق، "قازاگرو" اياسىندا نەسيەلەندىرۋگە 70 ميلليارد تەڭگە بەرىلدى، بىراق بۇل وتكەن جىلى قابىلدانعان جانە 2-تارماقتىڭ اۋىل ءۇشىن جەكە-جەكە 100 ميلليارد تەڭگە ءبولىندى.
5. ەكى اي ىشىندە 42 500 تەڭگە تولەۋگە 386 ميلليارد تەڭگە ءبولىندى. الۋشىلار سانى شامامەن 4,5 ميلليون ادام.
6. ەڭبەكاقى تولەۋ قورىنان شوب-ءتى سالىقتان بوساتۋعا بيۋدجەتتەن 237 ميلليارد تەڭگە ءبولىندى. بۇل ءساۋىر-قىركۇيەك ايلارىنداعى بيۋدجەت شىعىندارى.
7. مەديتسيناعا ارنالعان قوسىمشا شىعىندار - (دارىگەرلەرگە سىياقى تولەۋ، ازىق-تۇلىك-تۇرمىستىق جيناقتار، بايلانىس قىزمەتتەرى، مەديتسينالىق قىزمەتتەر ءۇشىن اقى تولەۋ، ينفەكتسيالىق اۋرۋحانالار مەن تاعى باسقا سالۋ) 125 ميلليارد تەڭگە.
8. زەينەتاقىلاردى، جاردەماقىلاردى، ستيپەنديالاردى ارتتىرۋعا 244 ميلليارد تەڭگە ءبولىندى. بۇل قاراجات ساۋىردەن جەلتوقسانعا دەيىن قاراستىرىلعان.
9. بىرقاتار مەملەكەتتىك باعدارلامالاردى قارجىلاندىرۋدى ۇلعايتۋ 105 ميلليارد تەڭگە سوماسىندا مەملەكەتتىك شىعىنداردى تالاپ ەتەدى.
10. توتەنشە جاعداي شەڭبەرىندەگى (مىسالى، سۋ تاسقىنى بويىنشا) قانداي دا ءبىر شىعىنداردى جەدەل قارجىلاندىرۋ ءۇشىن ۇكىمەت رەزەرۆىنەن 150 ميلليارد تەڭگە ءبولىندى.
11. بيۋدجەتتىڭ كىرىس بولىگىنىڭ شىعىندارىن وتەۋگە ۇلتتىق قوردان 1,7 تريلليون تەڭگە قوسىمشا ءبولىندى (سالىق تۇسىمدەرىنىڭ قىسقارۋىنا بايلانىستى ترانسفەرتتى ارتتىرۋعا تۋرا كەلەدى).
باسقا دا شىعىندار (قورعانىس، قاۋىپسىزدىك، تەڭگە باعامىنىڭ قۇلدىراۋىنا بايلانىستى ۆاليۋتالىق بورىشقا قىزمەت كورسەتۋ بويىنشا بيۋدجەتتىڭ قوسىمشا شىعىندارى) - وعان تاعى 200-300 ميلليارد تەڭگە كولەمىندە قاراجات ءبولىندى، - دەدى ەكونوميست.
