بۇل تۋرالى احمەتبەك نۇرسيلا ءوزىنىڭ You Tube جانە فەيسبۋك پاراقشالارىندا جاريالادى.
مەن ساياساتكەر ەمەسپىن. بىراق ءوزىمدى وقىعانىم، توقىعانىم، ومىردەن، ەكونوميكادان تاجريبەسى بار اداممىن دەپ سانايمىن. ماعجاننىڭ «سەزىنبەي ءوزى ولگەنىن وزىنىكىن، اتى وشكىر وقىعاندار نەتىپ جاتىر» دەگەن ولەڭىن وقىعان سايىن ءوزىمدى «اتىڭ وشكىر نە ىستەپ ءجۇرسىڭ » دەپ جەك كورىپ بارا جاتىرمىن. مەنىڭ وقىعانىم قارا باسىمنان اسپاسا، وندا شىنىمەن «اتى وشكىر» بولعانىم عوي؟
⠀
وقىعانىم، بىلگەنىمدى حالىقتىڭ يگىلىگىنە جاراتۋ ءۇشىن دەپۋتاتتىققا بارسام دەگەن ويىم بار. مەن نە بىلەمىن؟
⠀
1. 1982 جىلدان باستاپ ءوندىرىس ورىندارىندا ىستەدىم. قاراپايىم ۇستادان تسەح باستىعىنا دەيىن كوتەرىلدىم;
⠀
2. 1991 جىلدان باستاپ كاسىپتەمىن. شۇجىق ءوندىرۋ، تون ءوندىرۋ، جيحاز ءوندىرۋ، قىمىز ءوندىرۋ سالالارىندا ىستەدىم. تاكسوپارك، تۇيە، جىلقى ءوسىرۋ سالاسىندا ءبىراز ءساتسىز جوبالارىم دا بولدى;
⠀
3. يتاليان، تۇرىك كاسىپكەرلەرىمەن تىعىز بايلانىستا بولدىم. امەريكا، كانادا ەلدەرىنەن مىقتى كەڭەسشىلەردەن ساباق الدىم;
⠀
4. ەكونوميكا سالاسىن جاقسى كورىپ وقيمىن، تۇسىنەمىن;
⠀
5. كەيىنگى 5 جىل كاسىپكەرلەردى دايىنداۋمەن اينالىسىپ ءجۇرمىن.
⠀
وسى جيناعان بىلىمدەرىم مەن تاجريبەلەرىم ماعان “پارلامەنتكە” بارىپ، ەلىمىزدىڭ دامۋىنا جاقسى اسەرىن بەرەتىن زاڭداردى قابىلداۋعا سەپتىگى تيەدى دەپ ويلايمىن.
⠀
ارينە ساياسات سالاسىندا سونداي ءبىلىمىم جوق. جانە دە ساياسات مەنى سونداي قاتتى قىزىقتىرمايدى دا. كەزىندە عالىمجان جاقيانوۆ دوسىمنىڭ وتىنىشىمەن دۆك-نىڭ ميتينگىلەرىندە سويلەگەنىم راس. ول ازاماتتى مەن سىيلايمىن، قازاقتىڭ رۋحى سىنباعان ءبىر باتىرى دەپ سانايمىن. بىراق ساياسي كوزقاراسىمىز بىردەي ەمەس. ماعان ەلدىڭ تىنىشتىعى، بەرەكەسى كەرەك.
⠀
قازىرگى پرەزيدەنتىمىز دۇرىس باعىت ۇستانىپ، حالىقتىڭ كوڭىلىنەن شىعاتىن ءىس-ارەكەتتەر جاساپ جاتىر دەپ سانايمىن. ارينە ءبارى كەرەمەت بولىپ كەتتى، جاساسىن پرەزيدەنت دەۋدەن اۋلاقپىن.
⠀
ەشقاشان تج (تابان جالاعىش) بولىپ كورگەم جوق، قالعان ومىرىمدە بولا قويمايمىن دەپ ويلايمىن. كەرەك كەزىندە وكىمەتتى سىناپ، تەكسەرىپ، قاتەلىكتەرىن كورسەتىپ، حالىقتىڭ تالابىن جەتكىزىپ وتىرا الاتىنىما سەنىمدىمىن.
⠀
سوندىقتان پارلامەنتكە بارىپ ەلىمنىڭ وركەندەۋىنە سەپتىگىمدى تيگىزگىم كەلەدى. بىراق ول ءۇشىن پارتيا اتىنان ءتۇسۋىم كەرەك. ءبىر پارتيانىڭ اتىنان باراتىن بولسام، وندا ولاردىڭ ايت دەگەنىن عانا ايتاتىن قول جاۋلىق بولامىن عوي. مەن ونداي بولعىم كەلمەيدى.
⠀
«ءوز پارتيامدى قۇرسام قالاي بولادى» دەپ دوس-تانىستارىمممەن اقىلداسسام «ولە الماي ءجۇرسىڭ بە؟ اسفالتقا «زاكاتات ەتە سالادى» دەپ قورقىتادى...
⠀
مەن ويلايمىن «نەگە مەنى اسفالتقا «زاكاتات» ەتۋى كەرەك؟» مەن قانداي ەلدە ءومىر ءسۇرىپ جاتىرمىن؟ ۇرپاعىم قانداي ەلدە ءومىر سۇرەدى سوندا؟ «قالعانشا جارتى جاڭقام مەن سەنىكى» دەگەن مىرجاقىپتاردىڭ، «ءتىرى بولسام قازاققا قىزمەت ەتپەي قويمايمىن» دەگەن ءاليحاننىڭ ءسوزىن كۇندىز-ءتۇنى ايتامىن. ال، تىرلىگىم مىناۋ(((
⠀
سوندا مەن كىم بولعانىم؟ ولاردىڭ ءسوزىن نەسىنە ايتىپ ءجۇرمىن؟ وسى وي تالايدان بەرى مازالاپ ءجۇر.
⠀
مەن پارتيا قۇرسام مەنى قانشا ادام قولدايدى دەپ ويلايسىزدار؟ ءسىز قولدايسىز با؟
مەنىڭ ينستا پاراقشاما، يۋتۋب كانالىما «قولدايمىن» دەپ جازا سالساڭىز جانە دە ەگەر شىنىمەن مەنىڭ پارتيا قۇرىپ، حالىقتىڭ ءسوزىن سويلەيتىن دەپۋتات بولعانىمدى قالاساڭىز دوس-تانىستارىڭىزعا ايتساڭىز. ولار دا مەنىڭ وسى پوستىما، يۋتۋب كانالىما «قولدايمىز» دەپ جازا سالسا. ەگەر دە شىنىمەن حالىق قولداسا، وندا مەن بەل شەشىپ كىرىسەمىن.
قۇرمەتپەن احمەتبەك نۇرسيلا!
