Bul týraly Ahmetbek Nursıla óziniń You Tube jáne feısbýk paraqshalarynda jarııalady.
Men saıasatker emespin. Biraq ózimdi oqyǵanym, toqyǵanym, ómirden, ekonomıkadan tájrıbesi bar adammyn dep sanaımyn. Maǵjannyń «Sezinbeı ózi ólgenin ózinikin, aty óshkir oqyǵandar netip jatyr» degen óleńin oqyǵan saıyn ózimdi «Atyń óshkir ne istep júrsiń » dep jek kórip bara jatyrmyn. Meniń oqyǵanym qara basymnan aspasa, onda shynymen «aty óshkir» bolǵanym ǵoı?
⠀
Oqyǵanym, bilgenimdi halyqtyń ıgiligine jaratý úshin depýtattyqqa barsam degen oıym bar. Men ne bilemin?
⠀
1. 1982 jyldan bastap óndiris oryndarynda istedim. Qarapaıym ustadan eh bastyǵyna deıin kóterildim;
⠀
2. 1991 jyldan bastap kásiptemin. Shujyq óndirý, ton óndirý, jıhaz óndirý, qymyz óndirý salalarynda istedim. Taksopark, túıe, jylqy ósirý salasynda biraz sátsiz jobalarym da boldy;
⠀
3. Italııan, Túrik kásipkerlerimen tyǵyz baılanysta boldym. Amerıka, Kanada elderinen myqty keńesshilerden sabaq aldym;
⠀
4. Ekonomıka salasyn jaqsy kórip oqımyn, túsinemin;
⠀
5. Keıingi 5 jyl kásipkerlerdi daıyndaýmen aınalysyp júrmin.
⠀
Osy jınaǵan bilimderim men tájrıbelerim maǵan “parlamentke” baryp, elimizdiń damýyna jaqsy áserin beretin zańdardy qabyldaýǵa septigi tıedi dep oılaımyn.
⠀
Árıne saıasat salasynda sondaı bilimim joq. Jáne de saıasat meni sondaı qatty qyzyqtyrmaıdy da. Kezinde Ǵalymjan Jaqııanov dosymnyń ótinishimen DVK-nyń mıtıngilerinde sóılegenim ras. Ol azamatty men syılaımyn, qazaqtyń rýhy synbaǵan bir batyry dep sanaımyn. Biraq saıası kózqarasymyz birdeı emes. Maǵan eldiń tynyshtyǵy, berekesi kerek.
⠀
Qazirgi prezıdentimiz durys baǵyt ustanyp, halyqtyń kóńilinen shyǵatyn is-áreketter jasap jatyr dep sanaımyn. Árıne bári keremet bolyp ketti, jasasyn prezıdent deýden aýlaqpyn.
⠀
Eshqashan TJ (Taban jalaǵysh) bolyp kórgem joq, qalǵan ómirimde bola qoımaımyn dep oılaımyn. Kerek kezinde ókimetti synap, tekserip, qatelikterin kórsetip, halyqtyń talabyn jetkizip otyra alatynyma senimdimin.
⠀
Sondyqtan parlamentke baryp elimniń órkendeýine septigimdi tıgizgim keledi. Biraq ol úshin partııa atynan túsýim kerek. Bir partııanyń atynan baratyn bolsam, onda olardyń aıt degenin ǵana aıtatyn qol jaýlyq bolamyn ǵoı. Men ondaı bolǵym kelmeıdi.
⠀
«Óz partııamdy qursam qalaı bolady» dep dos-tanystarymmmen aqyldassam «Óle almaı júrsiń be? Asfaltqa «zakatat ete salady» dep qorqytady...
⠀
Men oılaımyn «Nege meni asfaltqa «zakatat» etýi kerek?» Men qandaı elde ómir súrip jatyrmyn? Urpaǵym qandaı elde ómir súredi sonda? «Qalǵansha jarty jańqam men seniki» degen Mirjaqyptardyń, «Tiri bolsam Qazaqqa qyzmet etpeı qoımaımyn» degen Álıhannyń sózin kúndiz-túni aıtamyn. Al, tirligim mynaý(((
⠀
Sonda men kim bolǵanym? Olardyń sózin nesine aıtyp júrmin? Osy oı talaıdan beri mazalap júr.
⠀
Men partııa qursam meni qansha adam qoldaıdy dep oılaısyzdar? Siz qoldaısyz ba?
Meniń ınsta paraqshama, ıýtýb kanalyma «Qoldaımyn» dep jaza salsańyz jáne de eger shynymen meniń partııa quryp, halyqtyń sózin sóıleıtin depýtat bolǵanymdy qalasańyz dos-tanystaryńyzǵa aıtsańyz. Olar da meniń osy postyma, ıýtýb kanalyma «Qoldaımyz» dep jaza salsa. Eger de shynymen halyq qoldasa, onda men bel sheship kirisemin.
Qurmetpen Ahmetbek Nursıla!
