Belgılı käsıpker Ahmetbek Nūrsila partiia qūrmaqşy (video)

Būl turaly Ahmetbek Nūrsila özınıŋ  You Tube jäne feisbuk paraqşalarynda jariialady.  Men saiasatker emespın. Bıraq özımdı oqyǧanym, toqyǧanym, ömırden, ekonomikadan täjribesı bar adammyn dep sanaimyn. Maǧjannyŋ «Sezınbei özı ölgenın özınıkın, aty öşkır oqyǧandar netıp jatyr» degen öleŋın oqyǧan saiyn özımdı «Atyŋ öşkır ne ıstep jürsıŋ » dep jek körıp bara jatyrmyn. Menıŋ oqyǧanym qara basymnan aspasa, onda şynymen «aty öşkır» bolǧanym ǧoi? ⠀ Oqyǧanym, bılgenımdı halyqtyŋ igılıgıne jaratu üşın deputattyqqa barsam degen oiym bar. Men ne bılemın? ⠀ 1. 1982 jyldan bastap öndırıs oryndarynda ıstedım. Qarapaiym ūstadan seh bastyǧyna deiın köterıldım; ⠀ 2. 1991 jyldan bastap käsıptemın. Şūjyq öndıru, ton öndıru, jihaz öndıru, qymyz öndıru salalarynda ıstedım. Taksopark, tüie, jylqy ösıru salasynda bıraz sätsız jobalarym da boldy; ⠀ 3. İtaliian, Türık käsıpkerlerımen tyǧyz bailanysta boldym. Amerika, Kanada elderınen myqty keŋesşılerden sabaq aldym; ⠀ 4. Ekonomika salasyn jaqsy körıp oqimyn, tüsınemın; ⠀ 5. Keiıngı 5 jyl käsıpkerlerdı daiyndaumen ainalysyp jürmın. ⠀ Osy jinaǧan bılımderım men täjribelerım maǧan “parlamentke” baryp, elımızdıŋ damuyna jaqsy äserın beretın zaŋdardy qabyldauǧa septıgı tiedı dep oilaimyn. ⠀ Ärine saiasat salasynda sondai bılımım joq. Jäne de saiasat menı sondai qatty qyzyqtyrmaidy da. Kezınde Ǧalymjan Jaqiianov dosymnyŋ ötınışımen DVK-nyŋ mitingılerınde söilegenım ras. Ol azamatty men syilaimyn, qazaqtyŋ ruhy synbaǧan bır batyry dep sanaimyn. Bıraq saiasi közqarasymyz bırdei emes. Maǧan eldıŋ tynyştyǧy, berekesı kerek. ⠀ Qazırgı prezidentımız dūrys baǧyt ūstanyp, halyqtyŋ köŋılınen şyǧatyn ıs-äreketter jasap jatyr dep sanaimyn. Ärine bärı keremet bolyp kettı, jasasyn prezident deuden aulaqpyn. ⠀ Eşqaşan TJ (Taban jalaǧyş) bolyp körgem joq, qalǧan ömırımde bola qoimaimyn dep oilaimyn. Kerek kezınde ökımettı synap, tekserıp, qatelıkterın körsetıp, halyqtyŋ talabyn jetkızıp otyra alatynyma senımdımın. ⠀ Sondyqtan parlamentke baryp elımnıŋ örkendeuıne septıgımdı tigızgım keledı. Bıraq ol üşın partiia atynan tüsuım kerek. Bır partiianyŋ atynan baratyn bolsam, onda olardyŋ ait degenın ǧana aitatyn qol jaulyq bolamyn ǧoi. Men ondai bolǧym kelmeidı. ⠀ «Öz partiiamdy qūrsam qalai bolady» dep dos-tanystarymmmen aqyldassam «Öle almai jürsıŋ be? Asfaltqa «zakatat ete salady» dep qorqytady... ⠀ Men oilaimyn «Nege menı asfaltqa «zakatat» etuı kerek?» Men qandai elde ömır sürıp jatyrmyn? Ūrpaǧym qandai elde ömır süredı sonda? «Qalǧanşa jarty jaŋqam men senıkı» degen Mırjaqyptardyŋ, «Tırı bolsam Qazaqqa qyzmet etpei qoimaimyn» degen Älihannyŋ sözın kündız-tünı aitamyn. Al, tırlıgım mynau((( ⠀ Sonda men kım bolǧanym? Olardyŋ sözın nesıne aityp jürmın? Osy oi talaidan berı mazalap jür. ⠀ Men partiia qūrsam menı qanşa adam qoldaidy dep oilaisyzdar? Sız qoldaisyz ba? Menıŋ insta paraqşama, iutub kanalyma «Qoldaimyn» dep jaza salsaŋyz jäne de eger şynymen menıŋ partiia qūryp, halyqtyŋ sözın söileitın deputat bolǧanymdy qalasaŋyz dos-tanystaryŋyzǧa aitsaŋyz. Olar da menıŋ osy postyma, iutub kanalyma «Qoldaimyz» dep jaza salsa. Eger de şynymen halyq qoldasa, onda men bel şeşıp kırısemın. Qūrmetpen Ahmetbek Nūrsila!   https://youtu.be/gR_RxHCWt5A