Qazaqstan Prezidentı Qasym-Jomart Toqaev Japoniia premer-ministrı Sanae Takaichimen kelıssözder jürgızıp, onyŋ qorytyndysy boiynşa bırlesken mälımdeme jäne 14 ükımetaralyq ärı vedomstvoaralyq qūjatqa qol qoiyldy, dep habarlaidy "Adyrna" ūlttyq portaly.
Būl turaly Aqorda habarlady.
Kelıssözder nätijesınde taraptar ekıjaqty yntymaqtastyqty nyǧaituǧa baǧyttalǧan qūjattar toptamasyn bekıttı. Memleket basşysy japon tarapyna qazaqstandyq delegasiiany jyly qabyldaǧany üşın alǧys aityp, būl sapar Qazaqstan men Japoniia arasyndaǧy qarym-qatynasta maŋyzdy beles ekenın atap öttı.
Prezident Toqaev Japoniiany Aziiadaǧy uaqyt synynan ötken senımdı serıktes retınde sipattap, eldıŋ köpǧasyrlyq dästürı men zamanaui innovasiiany üilestıre bılgenın aitty. Sondai-aq 2004 jyly bastamaşy bolǧan «Ortalyq Aziia + Japoniia» formatynyŋ maŋyzyn eske salyp, Japoniianyŋ osy formattyŋ alǧaşqy avtory ekenın atap öttı.
Öz kezegınde Japoniia premer-ministrı Sanae Takaichi Qazaqstan Prezidentınıŋ resmi sapary ekı el arasyndaǧy yntymaqtastyqqa jaŋa serpın beretının mälımdedı. Ol Qazaqstandy erkın ärı aşyq halyqaralyq tärtıptı nyǧaitudaǧy strategiialyq serıktes retınde baǧalap, özara tiımdı qatynastardy odan ärı damytuǧa daiyn ekenın jetkızdı.
Sanae Takaichi - 2025 jyldyŋ qazan aiynda premerlıkke kelgen saiasatker.
