Reseilık änşı Polina Gagarinanyŋ 5 säuırge Astanada josparlanǧan konsertı ötpeitın boldy, dep habarlaidy "Adyrna" ūlttyq portaly.
Būl turaly qazaqstandyq Zakazbiletov.kz bilet servisı habarlady.
Öz mälımdemesınde ūiymdastyruşylar konserttıŋ toqtatyluyn «ūiymdastyruşylarǧa, ärtıske bailanysty emes jaǧdailarmen» tüsındırıp, bilet aqşasy 14 kün ışınde qaitarylatynyna uäde berdı. Aita keterlıgı, būl konsert änşınıŋ resmi saityndaǧy kestede bastapqyda-aq körsetılmegen. Onyŋ saitynda eŋ jaqyn josparlanǧan öner körsetulerı retınde 15 säuır künı Bışkekte jäne 16 säuırde Taşkentte belgılengen.
Konsert elordadaǧy Kongress-holl ǧimaratynda ötuı tiıs edı. Ūiymdastyruşylar toqtatyludyŋ naqty sebepterın atamady.
Alaida Gagarinanyŋ Qazaqstandaǧy konsertterı bırneşe ret ötpei qalǧan edı.
2022 jyldyŋ qaraşasynda Almatydaǧy konsertı äleumettık jelılerdegı narazylyq tolqynynan keiın toqtatyldy. Qazaqstandyqtar Reseidıŋ Ukrainaǧa qarsy soǧysyn aşyq qoldaǧan änşınıŋ şaqyryluyn aiyptaǧan.
2025 jyly da E-petition platformasynda Gagarinanyŋ keluıne qatysty halyq qarsylyq bıldırgen.
