جىل سوڭىنا دەيىن ويىن-ساۋىق ورتالىقتارى، كينوزالدار، تەاترلار، كورمەلەر مەن سپورتتىق نىساندار، مۇلىك سالىعىنان بوساتىلادى. بۇل تۋرالى قر ۇلتتىق ەكونوميكا ۆيتسە-ءمينيسترى ءمادي تاكيەۆ وكق بريفينگىندە ايتىپ بەردى.
قوعامدىق تاماقتانۋ، قوناق ءۇي جانە تۋريستىك قىزمەت سالالارىنداعى سالىق تولەۋشىلەر دە مۇلىك سالىعىنان جىل سوڭىنا دەيىن بوساتىلادى.
«ال جەكە پراكتيكامەن اينالىساتىن تۇلعالار، ياعني نوتاريۋستەر، ادۆوكاتتار، سوت ورىنداۋشىلارى مەن مەدياتورلار 1 قازانعا دەيىن مۇلىك سالىعىن تولەمەيدى. سونىمەن قاتار جالپىعا بىردەي بەلگىلەنگەن تارتىپپەن جۇمىس ىستەيتىن جەكە كاسىپكەرلەر جىل سوڭىنا دەيىن جەكە تابىس سالىعىنان بوساتىلدى»، - دەدى م.تاكيەۆ.
سونداي-اق، اۋىش شارۋاشىلىعى ءونىمىن وندىرۋشىلەر دە جەر سالىعىن تولەمەيدى.
«1 ساۋىردەن باستاپ 1 قازانعا دەيىن ميكرو، شاعىن جانە ورتا بيزنەس سۋبەكتىلەرى 29 قىزمەت ءتۇرى بويىنشا ەڭبەكاقى تولەۋ قورىنان سالىق جانە باسقا مىندەتتى تولەمدەردەن بوساتىلدى»، - دەدى قر ۇلتتىق ەكونوميكا ۆيتسە-ءمينيسترى.
ەكونوميكانى تۇراقتاندىرۋ جونىندەگى جارلىققا سايكەس بيزنەستى قولداۋ ءۇشىن جوعارىدا اتالعان سالىقتىق شارالار قابىلدانعان.
