اقش-تاعى ءۇش اۆتوكونتسەرن زاۋىتىندا ەرەۋىل باستالدى

1700
Adyrna.kz Telegram

نارازىلىق شارالارى العاش رەت اقش-تاعى ءۇش ءىرى اۆتوموبيل زاۋىتىندا باستالدى. حالىقارالىق باق-تىڭ جازۋىنشا, مۇنداي نارازىلىق شارالارى 2024 جىلعى سايلاۋدا پرەزيدەنت بايدەنگە قيىندىق تۋدىرۋى مۇمكىن. بۇل جايلى "ادىرنا" ۇلتتىق پورتالى حابارلايدى. 

اقش-تاعى ءۇش اۆتوموبيل زاۋىتىندا، 15 قىركۇيەكتە، ءتۇن ورتاسىنان باستاپ ەرەۋىل باستالدى. نارازىلىق شارالارىن  United Auto Workers (UAW) اۆتوونەركاسىپ قىزمەتكەرلەرى ۇيىمداستىردى. 150 مىڭ UAW مۇشەسىنىڭ 13 مىڭ قىزمەتكەرى ءوز جۇمىسىن توقتاتتى. ميسسۋري مەن ميچيگان شتاتتارىنداعى General Motors جانە Ford, وگايوداعى Chrysler جانە Jeep اۆتوموبيل برەندتەرى شىعاتىن ءۇش كونتسەرنىندە دە جۇمىس توقتادى.

كاسىپوداق وكىلدەرى ءتورت جىل بويى جالاقىنى 36 پايىزعا كوتەرۋگە ۇمتىلۋدا. باستاپقىدا UAW جالاقىنى 40 پايىزعا كوتەرۋدى تالاپ ەتكەن. سونىمەن قاتار، كاسىپوداق 2008 جىلعى قارجىلىق داعدارىستان كەيىن توقتاعان كەي الەۋمەتتىك تولەمدەردى قايتا باستاۋدى تالاپ ەتەدى. ال جۇمىس بەرۋشىلەر 4,5 جىل ىشىندە جالاقىنى 20 پايىزعا ارتتىرۋدى ۇسىندى.

UAW توراعاسى شون فەين ءوز سوزىندە ينفلياتسيانىڭ جوعارى ەكەنىن جانە اۆتوكونتسەرندەر پايداسىنا جالاقىنىڭ ساي كەلمەيتىنىن مالىمدەدى.

فورد باسشىسى دجيم فارلي CNBC-گە بەرگەن سۇحباتىندا مۇنداي تالاپتاردى ورىنداي المايتىنىن ايتتى، ويتكەنى مۇنداي تالاپتار كومپانيانى بانكروتتىققا اكەلەدى. كاسىپوداق وكىلدەرى بۇعان جاۋاپ رەتىندە كومپانيانىڭ  وتكەن جىلعى كىرىسىن العا تارتتى (21 ميلليون دوللار بولعان).

ساراپشىلار مۇنداي نارازىلىق شارالارىنىڭ سايلاۋعا سالقىنىن تيگىزىپ، بايدەننىڭ قايتا بيلىككە كەلۋىنە توسقاۋىل بولاتىنىن ايتادى.

"ادىرنا" ۇلتتىق پورتالى 

پىكىرلەر