ارنايى كوميسسيا بازالىق ءوندىرىس جانە تەڭىز كەنىشىندەگى بولاشاق نىساندارىنا بارىپ، وندىرىستىك بازالارداعى سانيتارلىق-ەپيدەميولوگيالىق نورمالاردىڭ ساقتالۋ دەڭگەيىن تەكسەردى، - دەپ حابارلايدى ايماقتىق شۇعىل شتاب.
ارنايى كوميسسيا مۇشەلەرى 3GL الاڭىنداعى جۇمىستىڭ ۇيلەستىرىلۋ پروتسەسىمەن تانىستى. كارانتين جاعدايىندا مۇندا 126 ادام جۇمىس ىستەپ جاتىر. وندىرىستىك بريگادالاردىڭ جۇمىسى جاسىل جانە قىزىل ايماقتارعا بولىنگەن. جۇمىسشىلارعا تەك ءوز ۋچاسكەلەرىنىڭ اۋماعىندا عانا قوزعالۋعا رۇقسات ەتىلگەن.
سونداي اق كوميسسيا 3GP, ياعني، ءۇشىنشى بۋىن زاۋىتىن ارالادى. زاۋىتتا قازىرگى تاڭدا 1600 ادام جۇمىس ىستەپ جاتىر. ولار دا ارنايى توپتارعا بولىنگەن. ءار توپتى تاسىمالدايتىن ترانسپورتتار بەكىتىلگەن.
وبلىس اكىمىنىڭ ورىنباسارى ەرجان ءابىلحانوۆتىڭ ايتۋىنشا، ءبىرىنشى جانە ەكىنشى بۋىنداعى زاۋىتتاردىڭ جۇمىسى اسا ماڭىزدى. سوندىقتان، ەرەكشە جاعدايدى قاجەت ەتەدى. وندىرىستىك الاڭداردا سانيتارلىق نورمالاردىڭ جانە الەۋمەتتىك ارا قاشىقتىقتىڭ ساقتالۋ بارىسى تەكسەرىلدى.
جانە ءبىرىنشى قاجەتتىلىكتەگى مامانداردىڭ تاسىمالى مەن تاماقتانۋ جاعدايى دا باقىلاندى. وندىرستىك نىساندارداعى احۋالمەن تانىسقان قر دەنساۋلىق ساقتاۋ مينيسترلىگى تاۋارلار جانە قىزمەتتەر ساپاسى مەن قاۋىپسىزدىگى كوميتەتى توراعاسىنىڭ ورىنباسارى نۇرحان سادۋاقاسوۆ تشو جوبالارىنداعى سانيتارلىق نورمالاردىڭ ساقتالۋ دەڭگەيىنە وڭ باعا بەردى.
ينسپەكتسيا قورىتىندىسىمەن تەڭىز كەنىشىندەگى كوروناۆيرۋستىڭ كەڭىنەن جايىلىپ كەتۋىنىڭ الدىن الۋدىڭ ءىس-شارالار جوسپارى بەكىتىلدى. ارنايى كوميسسيا جۇمىسى جالعاسۋدا.
ەسكە سالا كەتەلىك، تەڭىز كەنىشىندە اتىراۋ وبلىسى اكىمىنىڭ ورىنباسارلارى ەرجان ءابىلحانوۆ، باقىتگۇل حامەنوۆا باستاعان ارنايى كوميسسيا جۇمىس ىستەپ جاتىر. جۇمىس توبىنىڭ قۇرامىندا مەديتسينا ماماندارى، ەپيدەميولوگتار، قۇقىق قورعاۋ ورگاندارى قىزمەتكەرلەرى، سانيتارلىق دارىگەرلەر جانە وبلىس اكىمدىگىندەگى جاۋاپتى باسقارمالاردىڭ وكىلدەرى بار.
ۆاحتالىق قالاشىقتارداعى ەپيدەميولوگيالىق احۋالدى تۇراقتاندىرۋ بويىنشا اۋقىمدى جۇمىس جۇرۋدە.
"ادىرنا" ۇلتتىق پورتالى
